තම පෙම්වතිය හමුවීමට පැමිණි පොලිස් නිලධාරියෙකුට පහර දුන් බව කියන පුද්ගලයින් දෙදෙනෙකු අත්අඩංගුවට ගැනීමට විමර්ශණයක් ආරම්භ කර ඇති බව රස්නායකපුර පොලීසිය පවසනවා.
ඊයේ (25) පස්වරු 6.00ට පමණ රස්නායකපුර – පන්සල පාර ප්රදේශයේ දී මෙම පහර දීම සිදුකර ඇති බවයි වාර්තා වුණේ.
මෙලෙස පහර කෑමට ලක්ව ඇත්තේ වාලාච්චේන පොලිස් අධිකාරී කාර්යාලයට අනුයුක්තව සේවය කරන පොලිස් කොස්තාපල්වරයෙක්.
කන්තලේ, සේරුනුවර ප්රදේශයේ පදිංචිකරුවක් වන මෙම පොලිස් නිලධාරියා රස්නායකපුර, පන්සල පාරේ පදිංචිව සිටින තම පෙම්වතිය හමුවීම සදහා ඇයගේ නිවසට ඊයේ (25) පැමිණ තිබෙනවා.
එලෙස පැමිණ සිටිය දී ඇති වූ බව කියන බහින් බස්වීමකින් පසු පුද්ගලයින් දෙදෙනෙකු විසින් මෙම පොලිස් නිලධාරියාට පොල්ලකින් පහර දී ඇති බවයි වාර්තා වුණේ.
පහරකෑමෙන් පසු පොලිස් නිලධාරියා ප්රතිකාර සඳහා රෝහල් ගතව තිබෙනවා.
