එළඹෙන පෙබරවාරි මාසයේ පළමු වනදා සිට වාහන ආනයනය සඳහා අවසර ලබාදෙන බව ජනාධිපති අනුර කුමාර දිසානායක පවසනවා.
ජාතික ජන බලවේගයේ කටුකුරුන්ද ප්‍රදේශයේ අද (19) පැවති සුහද හමුවක දී ජනාධිපතිවරයා මේ බව සඳහන් කළා.
මේ අතර පාර්ලිමේන්තු මන්ත්‍රීවරුන්ගේ විශ්‍රාම වැටුප අහෝසි කිරීමේ යෝජනාව කඩිනමින් පාර්ලිමේන්තුවට ගෙන එන බවයි ජනාධිපතිවරයා මෙහිදී සඳහන් කර සිටියා.
එමෙන්ම ඉන්දියානු ආයෝජන යටතේ සාම්පූර් ප්‍රදේශයේ සූර්ය විදුලි බලාගාරයක් ඉදිකරන බවත් ඊට අදාළ යෝජනාව කඩිනමින් අමාත්‍ය මණ්ඩලය වෙත ඉදිරිපත් කරන බව ද ජනාධිපතිවරයා වැඩිදුරටත් පැවසුවා.
මෙම සුහද හමුව ඇමතූ ජනාධිපති අනුර කුමාර දිසානායක සඳහන් කර සිටියේ ජාත්‍යන්තර මට්ටමේ සම්මන්ත්‍ර ශාලාවක් ශ්‍රී ලංකාව ප්‍රධානය කිරීමට චීන රජය පොරොන්දු වූ බවයි.
එම ජාත්‍යන්තර මට්ටමේ සම්මන්ත්‍ර ශාලාව කොළඹ වරාය නගර පරිශ්‍රයේ ඉදිකරන බව ද ඔහු සඳහන් කර සිටියා.
තමන් සිදුකළ චීන නිල සංචාරය අතර තුර චීන රජය මෙම ප්‍රධානය ලබාදුන් බවයි ජනධිපතිවරයා පැවසුවේ.
අවසර දුන්නට වැඩක් නැහැ වාහන ගන්න පුලුවන් වෙන්නෙ කොටිපතියන්ට සහ මහා බැංකු අධිපති ඇතුළු සෙවක පිරිසට විතරයි.