පුරාවිද්යා නිලධාරීන් පිරිසක් එක් ව පෞරාණික පුරාවිද්යා වටිනාකමකින් යුත් ස්ථානයක සිට මත්පැන් සාදයක් පවත්වා විනෝද වීමේ වීඩියෝ පටයක් සම්බන්ධයෙන් තොරතුරු ලැබී තිබෙනවා.
දසත ප්රාදේශීය වාර්තාකරු පැවසුවේ පසුගියදා (06) ඇළහැර කලාප කාර්යාලය විවෘත කිරීමේ උත්සවයට පොළොන්නරුව පුරාවිද්යා ස්ථාන භාර නිලධාරීන් සහ එහි සේවක කණ්ඩායමක් පැමිණ ඇති බවයි.
ඉන් අනතුරුව මොවුන් ඇළහැර – ඇල්ල පුරාවිද්යා රක්ෂිතයේ පිහිටි ජන්තාගරය සහ බෝධිඝරය අසල ස්ථානයේ මත්පැන් සාදය පවත්වා, නර්තනයේ යෙදී ඇති ආකාරයයි අදාළ වීඩියෝ පටයේ දැක්වෙන්නේ.
පුරාවිද්යා නිලධාරීන් සඳහන් කරන්නේ මෙය නීතිවිරෝධී ක්රියාවක් බැවින් කිසිසේත්ම පුරාවිද්යා රක්ෂිතයක් තුළ මෙවැනි ක්රියාවක් කිරීම කිසිසේත්ම අනුමත කළ නොහැකි බවයි.
මෙම ”කුමාර ඇල්ල පුරාවිද්යා ස්ථානය” අතීතයේ භික්ෂූන් වහන්සේලාට උවටැන් කළ ස්ථානයක් ලෙසටයි පිළිගැනෙන්නේ.
මෙසේ මත්පැන් සාදය පවත්වා ඇත්තේ පොළොන්නරු සහකාර පුරාවිද්යා අධ්යක්ෂ නලින් වීරරත්න සහ නඩත්තු අංශයේ ප්රධාන නිලධාරිනිය ඇතුළු පිරිස බව ද වාර්තා වනවා.
පුරාවිද්යාත්මක ස්ථානවල මත්පැන් පානය කිරීම සපුරා තහනම් වුවත්, ඔවුන් එය තුට්ටුවකට මායිම් නොකර නර්තනයේ යෙදෙන බවයි දක්නට ලැබෙන්නේ.
