ගාල්ල – කොළඹ ප්‍රධාන මාර්ගයේ කටුකුරුන්ද ප්‍රදේශයේ දී බස් රථයක් හා ත්‍රිරෝද රථයක් මුහුණට මුහුණ ගැටීමෙන් ඊයේ (01) රාත්‍රියේ අනතුරක් සිදුව තිබෙනවා.
මෙම අනතුරින් ත්‍රිරෝද රථයේ ගමන් කළ කාන්තාවක් සහ කුඩා දරුවකු මිය ගොස් ඇති බවයි පොලිසිය සඳහන් කළේ.
මෙම අනතුරින් ත්‍රිරෝද රථයේ සිටි තවත් දෙදෙනෙකු තුවාල ලබා ඇති අතර, ඉන් එක් අයෙකු බරපතළ බවයි වාර්තා වන්නේ.
කොළඹ සිට මාතර දක්වා ගමන් ගත් පෞද්ගලික බස් රථයක්, කළුතර කටුකුරුන්ද ප්‍රධාන බස් නැවතුම්පොළ් නවතා නැවත ගමන් ආරම්භ කිරීමේ දී ඉදිරියෙන් පැමිණි ත්‍රිරෝද රථය එකවරම බස් රථයේ ඉදිරිපස ගැටීමෙන මෙම අනතුර සිදුව තිබුණා.
අනතුරට ලක්වූ ත්‍රිරෝද රථයේ ගමන් කර තිබුණේ එකම පවුලේ පිරිසක් බවයි වාර්තා වන්නේ.
එහි සිටි 63=0 හැවිරිදි මිත්තණිය සහ 13 හැවිරිදි පිරිමි දරුවෙකු බරපතළ තුවාල ලබා කළුතර ශික්ෂණ රෝහලට ඇතුළත් කිරීමෙන් අනතුරුවයි ජීවිතක්ෂයට පත්ව ඇත්තේ.
මෙලෙස අනතුරට පත්ව ඇත්තේ කළුතර දුවේ පන්සල පාර ප්‍රදේශයේ පදිංචිකරුවන් පිරිසක් වන අතර, ඔවුන් බේරුවල ප්‍රදේශයේ පොසොන් නැරඹීමට ගොස් නැවත නිවස වෙත පැමිණෙමින් සිටිය දී මෙම අනතුරට මුහුණ පා තිබෙනවා.
