පිලිපීනයෙන් චීනයට අනතුරු ඇඟවීමක්

“සියලු ප්‍රකෝපකාරී හා භයානක ක්‍රියාවන් නවත්වන ලෙස” පිලිපීනය, චීනයෙන් ඉල්ලා ඇතැයි අල්ජසීරා වාර්තා කරනවා.

පිලිපීන ගුවන් යානයක් Scarborough Shoal අසල නිරීක්ෂණ ගුවන් මෙහෙයුමක නිරතව සිටියදී චීන ජෙට් ප්‍රහාරක යානයකින් “හිරිහැරයට” මුහුණ දුන් බව පිලිපීනයේ දකුණු චීන මුහුදේ කාර්ය සාධක බලකාය ප්‍රකාශයක් නිකුත් කරමින් කියා සිටියා.

දකුණු චීන මුහුදේ ආතතීන් ඉහළ යෑම, පිලිපීනයේ මිලිටරි සගයෙකු වන එක්සත් ජනපදය, ඇති විය හැකි ගැටුමක් පිළිබඳ කනස්සල්ල මතු කරනවා.

“මෙවැනි ක්‍රියා කලාපීය සාමය සහ ආරක්ෂාව අඩාල කරන අතර, ජාත්‍යන්තර ප්‍රජාව සමඟ චීනයේ ප්‍රතිරූපය තවදුරටත් ඛාදනය කරයි,” කාර්ය සාධක බලකාය පැවසුවා.

අල් ජසීරා විසින් වාර්තා කරන ලද පරිදි, ධීවර හා ජලජ සම්පත් කාර්යාංශයට (BFAR) අයත් වූ මෙම ගුවන් යානය, වෙරළාරක්ෂක බලකාය සමග සම්බන්ධීකරණයෙන්, පිලිපීනයේ සුවිශේෂී ආර්ථික කලාපය ආක්‍රමණය කරන ධීවරයින් නිරීක්ෂණය කර ඔවුන් පලවා හරිනු ලබනවා.

කාර්ය සාධක බලකායට අනුව, චීන ජෙට් ප්‍රහාරක යානය, BFAR ගුවන් යානයට ඉතා සමීප දුරින් කිහිප වතාවක් ගිනිදැල් නිකුත් කර තිබෙනවා.

“එහි ක්‍රියාවන් BFAR ගුවන් යානයේ සිටි පුද්ගලයින්ගේ ආරක්ෂාව අනතුරේ හෙළන භයානක චේතනාවක් පෙන්නුම් කරයි” යනුවෙන් කාර්ය සාධක බලකාය ප්‍රකාශ කළා.