එල්නිනෝ හේතුවෙන් බලපෑ වියළි කාලගුණයෙන් දිස්ත්රික්ක 07ක පවුල් 35,149 කට අයත් පුද්ගලයින් 115,534ක් පානීය ජල අවශ්යතා සපුරා ගැනීමේ ගැටලුවකට මුහුණ දී සිටින බව ආපදා සහන සේවා මධ්යස්ථානය පවසනවා.
මින් වැඩිම බලපෑමක් මොණරාගල, අම්පාර සහ බදුල්ල දිස්ත්රික්කවලින් වාර්තාවන බවයි එම මධ්යස්ථානයසඳහන් කරන්නේ.
මෙලෙස පානීය ජල අවශ්යතාවය සපුරා ගැනීමට නොහැකිව පීඩාවට පත්ව ඇති පවුල් 35,149 සඳහා පානිය ජලය බෙදාදීමේ කටයුතු අඛණ්ඩව සිදුකරන බවයි වාර්තා වන්නේ.
මේ අතර එම මධ්යස්ථානය සඳහන් කළේ වියළි කාලගුණයෙන් පානීය ජලය සපුරා ගැනීමට නොහැකිව පීඩාවට පත්වන පවුල් සංඛ්යාව ක්රමයෙන් ඉහළ යන බවයි.
එම සංඛ්යාව මේ මස අග දක්වාම අඛණ්ඩව වැඩිවීමක් සිදුවෙතැයි බලාපොරොත්තුවන බවයි ආපදා සහන සේවා මධ්යස්ථානය වැඩිදුරටත් සඳහන් කළේ.
මේ අතර පානීය ජලය සපයා ගැනීමට යම් ගැටළුවක් ඇත්නම් ජාතික ආපදා සහන සේවා මධ්යස්ථානයේ 0716 807807 යන අංකය වෙත දැනුම් දෙන ලෙස මහජනතාවට දැනුම් දෙනවා.
