පැරා ක්‍රීඩා උලෙළේ දී ලක් මාතාවට රන් පදක්කමක් – තරුෂිගෙනුත් නව වාර්තාවක්

මෙවර ආසියානු පැරා ක්‍රීඩා උලෙළේ තරග ඉසව්වකින් රන් පදක්කමක් දිනා ගැනීමට ශ්‍රී ලාංකික මලල ක්‍රීඩකයෙකු සමත් ව තිබෙනවා.

මෙම විශිෂ්ට ජයග්‍රහණය වාර්තා කර ඇත්තේ පැරා ක්‍රීඩක ප්‍රදීප් සෝමසිරි යි.

T46 මීටර් 1500 ධාවන ඉසව්වෙනුයි ඔහුට රන් පදක්කම හිමිවුණේ.

ඊට ඔහු වැය කළ කාලය මිනිත්තු 4:05.14ක්.

මේ අතර සමස්ත ලංකා පාසල් මලල ක්‍රීඩා තරගාවලියේ නව වාර්තාවක් පිහිටුවීමට තරුෂි කරුණාරත්න සමත් වුණා.

ඒ මීටර් 400 ඉසව්වෙන්.

තප්පර 53.21කදී තරගය නිමා කරමිනුයි ඇය මෙම වාර්තාවට හිමිකම් කියුවේ.

මීට පෙර තබා තිබූ වාර්තාව තප්පර 54.22ක්.

ඒ ඩී. එම්. අයි. ඩී. කරුණාරත්න ක්‍රීඩිකාව විසින් බවයි අප ප්‍රාදේශීය වාර්තාකරු සඳහන් කළේ.