පැරගුවේ පැරදූ අමෙරිකාවටට විශිෂ්ඨ ජයක්

FIFA ලෝක කුසලායේ සහභාගී වූ පළමු තරගයෙන්ම විශිෂ්ඨ ජයක් අත්කර ගැනීමට සත්කාරක අමෙරිකාවට හැකිවුණා.

ඒ අනුව ‘D’ කාණ්ඩය යටතේ පැරගුවේ කණ්ඩායමට එරෙහිව ගෝල 4-1ක විශිෂ්ට ජයක් වාර්තා කිරීමට අමෙරිකානු කණ්ඩායම අද (13) සමත් වුණා.

තරගය ආරම්භ වී මිනිත්තු 7වෙනි මිනිත්තුවේ දී සිය කණ්ඩායමට පළමු ගෝලය රැස්කර දීමට අමෙරිකානු ඉදිරිපෙළ ක්‍රීඩක ඩේමියන් බොබඩිල්ලා සමත්කම් දැක්වූවා.

එමෙන්ම තරගයේ 31වැනි මිනිත්තුවේ දී සහ පළමු අර්ධයේ අතිරේක කාලයේ දී තවත් ගෝල දෙකක් කණ්ඩායමට එකතු කර දීමට ෆොලරින් බැලෝගන් සමත් වුණා.

කෙසේ වෙතත් තරගයේ 73 වැනි මිනිත්තුවේදී ක්‍රියාත්මක වූ පැරගුවේ වෙනුවෙන් මොරිසියෝ විසින් ගෝලයක් වාර්තා කළා.

එමෙන්ම තරගයේ අවසන් මිනිත්තුවේ දී නැවතත් ක්‍රියාත්මක වූ අමෙරිකාව තවත් සුපිරි ගෝලයක් වාර්තා කරමින් 4-1ක් ලෙස පෙරමුණ ගනිමින් තරගය අවසන් කළා.