ගුරුවරයෙකු විසින් හතරවන ශ්‍රේණියේ සිසුවෙකුට පහර දී පාසල් ගොඩනැගිල්ලේ පළමු මහලෙන් බිමට තල්ලුකර ඝාතනය කළ පුවතක් අසල්වැසි ඉන්දියාවෙන් වාර්තා වනවා.
ඉන්දියාවේ කර්නාටක ප්‍රාන්තයේ ගඩාග් ප්‍රදේශයේ රජයේ පාසලක මෙම අවාසනාවන්ත සිදුවීම සිදුව ඇති බවයි විදෙස් මාධ්‍ය වාර්තාකර තිබුණේ.
මුත්තප්පා යෙල්ලපා නැමැති ගුරුවරයා විසින් ඊයේ (19) පෙරවරුවේ භාරත් බාකර් නැමැති මෙම 10 හැවිරිදි දරුවාට සවලකින් පහර දී පාසල් ගොඩනැගිල්ලේ පළමු මහලෙන් බිමට තල්ලුකර ඇති බවයි අනාවරණය වී ඇත්තේ.
කුමන හේතුවන් නිසා සැකකාර ගුරුවරයා විසින් මෙම අපරාධය සිදුකළේ ද යන්න පිළිබඳව අනාවරණය වී නොමැති අතර, ඔහු මේ වනවිට ප්‍රදේශයෙන් පලාගොස් සැඟව සිටින බවයි ඉන්දීය පොලිසිය පැවසුවේ.
සැකකාර මුතප්පාට එරෙහිව ඉන්දීය දණ්ඩ නීති සංග්‍රහයේ 302 (ඝාතන) වගන්තිය යටතේ චෝදනා ගොනුකර ඇති අතර, සැඟව සිටින සැකකරු සොයා විමර්ශන ආරම්භකර තිබෙනවා.
