අත්අඩංගුවට ගෙන අධිකරණයට ඉදිරිපත් කළ පාර්ලිමේන්තු මන්ත්රී රාමනාදන් අර්ච්චුනාව රක්ෂිත බන්ධනාගාර ගතකර තිබෙනවා.
මන්ත්රීවරයා ලබන 29 දක්වා රක්ෂිත බන්ධනාගාර ගත කරන ලෙසට මල්ලාකම් අධිකරණ නියෝග කළ බවයි අප වාර්තාකරු සදහන් කළේ.
ගිනිඅවියක් පෙන්වා සාපරාදී බලහත්කාරය පෑම සහ අයුතු ඇතුළුවීම සම්බන්ධයෙන් වූ චෝදනාවක් සම්බන්ධයෙන් මන්ත්රීවරයා ඉලවාලෙයි පොලීසිය මගින් අත්අඩංගුවට ගෙන අධිකරණය හමුවට ඉදිරිපත් කරනු ලැබුවා.
පෙරේදා (25) යාපනය, පෙරියවිලාන් ප්රදේශයේ දී පාර්ලිමේන්තු මන්ත්රී රාමනාදන් අර්ච්චුනා විසින් ගිනිඅවියක් අතැතිව කාන්තාවකට තර්ජනයක් සිදු කර තිබුණා.
ඒ, ඉඩමක් සම්බන්ධයෙන් ඇති වූ ආරවුලක් හේතුවෙන්.
මෙම ආරවුල අතර තුර මන්ත්රීවරයාට ගලකින් පහර දුන් බවට චෝදනා එල්ල වූ අදාළ කාන්තාව ද අත්අඩංගුවට ගෙන ඊයේ (26) දිනයේ අධිකරණයට ඉදිරිපත් කිරීමෙන් අනතුව ලබන 29 දක්වා රක්ෂිත බන්ධනාගාර ගත කළා.
