පාපන්දු ලෝක කුසලාන ඉතිහාසයේ ඉතිහාසයට අලුත් පරිච්ඡේදයක් එක් කරන්නට මොරොක්කෝ කණ්ඩායමට ඊයේ (06) රාත්රියේ හැකියාව ලැබුණා.
ඒ, ප්රබල ස්පාඤ්ඤ කණ්ඩායම සුපිරි 16 දෙනාගේ වටයේ තරගයෙන් පරාජයට පත්කරමින්, ලෝක කුසලානයක මොරොක්කෝව අර්ධ අවසන් පූර්ව වටයට තේරී පත් වූ පළමු අවස්ථාව බවට පත්කර ගනිමින්.
මෙම තරගය ආරම්භයේ සිට තියුණු මුහුණුවරක් ගත් අතර, නියමිත කාලය අවසන් වන විට කණ්ඩායම් දෙකටම කිසිඳු ගෝලයක් ලබාගන්න හැකියාවක් ලැබුණේ නැහැ.
ඒ, අනුව තරගයේ අතිරේක කාලය ලබාදීමට තීරණය කෙරුණු අතර, එහිදී ද ගෝල රැස් කිරීමට කණ්ඩායමේ දෙකෙන් එකකටවත් අවස්ථාව නොලැබුණා.
එබැවින් තරගයේ ජයග්රාහකයා තීරණය කිරීම දඬුවම් පහරවලට භාර වුණු අතර, එම දඬුවම් පහර තුනට බිංදුවක් ලෙස සාර්ථක කරගත් මොරොක්කෝ කණ්ඩායම 2022 පාපන්දු ලෝක කුසලාන තරගාවලියේ අර්ධ අවසන් පූර්ව වටයට සුසුසුකම් ලබා ගත්තා.
මොරොක්කෝව සිය ජයග්රහණය සැමරූ ආකාරය..
