ලෝක කුසලාන පාපන්දු තරගාවලියේ අර්ධ අවසන් පූර්ව වටයේ දී නෝර්වේ කණ්ඩායම එංගලන්තය හමුවේ ලැබූ පරාජයෙන් පසු නෝර්වේජියානු ගුවන් සමාගමේ නිල ඉන්ස්ටග්රෑම් ගිණුමේ ලාංඡනය, බ්රිතාන්ය ගුවන් සමාගමේ ලාංඡනයට මාරුකර තිබෙනවා.
ඒ, මෙම අර්ධ අවසන් පූර්ව තරගයට පෙර නෝර්වේජියානු ගුවන් සමාගම සහ බ්රිතාන්ය ගුවන් සමාගම එක්ව ඇති කරගත් සුහදශීලී ඔට්ටුවක ප්රතිඵලයක් ලෙසයි.
මෙම තරගයට පෙර ගුවන් සමාගම් දෙක අන්තර්ජාලය ඔස්සේ අභියෝග කරගත්තේ, තරගය පරාජය වන පාර්ශවය, ජයග්රහණය කරන පාර්ශවයේ ගුවන් සමාගමේ නිල ලාංඡනය, නිල ඉන්ස්ටග්රෑම් ගිණුමේ නිල ලාංඡනය ලෙස ප්රදර්ශනය කළ යුතු බවයි.
ඒ අනුව මෙම තරගය නෝර්වේ කණ්ඩායම පරාජයට පත්වීමත් සමඟ, නෝර්වේජියානු ගුවන් සමාගමේ නිල ඉන්ස්ටග්රෑම් ගිණුමේ ලාංඡනයට, බ්රිතාන්ය ගුවන් සමාගමේ ලාංඡනය එක්කර ඇති ආකාරය දැකගත හැකි වුණා.
මෙහිදී නෝර්වේජියානු ගුවන් සමාගම බ්රිතාන්ය එයාර්වේස් ලාංඡනය “එය ගෙදර එනවා” සහ “එංගලන්තය සහ බ්රිතාන්ය එයාර්වේස් හොඳින් ක්රීඩා කළා” යන පණිවුඩය සහිතව ප්රසිද්ධ කර තිබුණා.
“තරඟාවලිය අපට අවසන් වන අතර, මෙම මිත්රශීලී ඔට්ටුව අපගේ සියලු හදවත් තුළ සදහටම පවතිනු ඇත” යනුවෙන් පවසමින් නෝර්වීජියානු ගුවන් සමාගම එංගලන්ත කණ්ඩායමට සහ බ්රිතාන්ය එයාර්වේස් සමාගමට සුභ පැතුම් පිරිනැමීමට ද කටයුතු කර තිබුණා.
