වැල්ලවාය නගර ආසන්නයට අද (17) උදෑසන ම වන අලි දෙදෙනකු කඩා වැදී තිබෙනවා.
දසත වාර්තාකරු පැවසුවේ මෙම වන අලි කුලප්පු වී මාර්ගය හරහා නිවාස දෙසට දිව ගිය බවයි.
මෙලෙස කඩා වැදුණු වනඅලි ඇල්ල – වැල්ලවාය මාර්ගයේ වැල්ලවාය ප්‍රාදේශීය ලේකම් කාර්යාලය ආසන්නයෙන් මාර්ගය හරහා දිව ගොස් තිබෙනවා.
උදෑසන කාලයේ එතරම් ජනතාවක් මාර්ගය සහ අවට ප්‍රදේශයේ රැඳී නොසිටීම නිසා සිදුවීමට ගිය විශාල විනාශයක් වාසනාවකට නැවතී ඇති බවයි දසත වාර්තාකරු සඳහන් කළේ.
