පානදුර මූලික රෝහල ඉදිරිපිට දී ගිලන්රථ රියදුරෙකුට යතුරුපැදි දෙකකින් පැමිණි නාඳුනන පුද්ගලයින් සිව්දෙනෙකු වෙඩි තැබීමට තැත් කිරීමේ සිද්ධියට අදාළව එක් සැකකරුවෙක් ඊයේ (24) අත්අඩංගුවට ගෙන තිබෙනවා.
අපරාධ පරීක්ෂණ දෙපාර්තමේන්තුවේ නිලධාරීන් විසින් මෙම සැකකරු අත්අඩංගුවට ගෙන ඇති අතර, ඔහු සන්තකයේ තිබී මිලි මීටර් 09 වර්ගයේ පිස්තෝල වර්ගයේ ගිනිඅවි දෙකක් ද සොයාගෙන ඇති බවයි පොලිසිය සඳහන් කළේ.
අත්අඩංගුවට ගැනුණු සැකකරු 21 හැවිරිදි වියේ පසුවන පානදුර, උයන්කැලේ ප්රදේශයේ පදිංචි අයෙක්.
මෙම සැකකරු අපරාධ කල්ලි සාමාජික සලිඳු මල්ෂික ගුණරත්න නොහොත් ‘කුඩු සලිඳු’ සමඟ හෝ වෙතත් ආකාරයෙන් දිවයින තුළ මත්ද්රව්ය ජාවාරම් සහ අපරාධ සිදුකර ඇත්ද යන්න පිළිබඳව පරීක්ෂණ සිදුකරනු ලබනවා.
අපරාධ පරීක්ෂණ දෙපාර්තමේන්තුව විසින් සැකකරු පැය 72ක රැඳවුම් නියෝග මත රඳවාගෙන වැඩිදුර ප්රශ්න කිරීම් සිදුකරන බවයි පොලිසිය සඳහන් කළේ.
2022 වර්ෂයේ ජනවාරි මස 27 වනදා පානදුර මූලික රෝහල ඉදිරිපිට දී කේතුමතී රෝහලේ ගිලන්රථයේ රියදුරුට නාඳුනන යතුරුපදිකරුවන් හතර දෙනෙක් පැමිණ වෙඩි තබා පලාගොස් තිබුණා.
මෙම වෙඩි තැබීමෙන් ගිලන්රථයේ රියදුරුට හානියක් සිදුව තිබුණේ නැහැ.
