පාකිස්ථානයේ රාවල්පින්ඩි ක්‍රිකට් පිටියේ මේ දිනවල පැවත්වෙන ශ්‍රී ලංකා කණ්ඩායම සහ පාකිස්ථානය අතර එක්දින තරගාවලිය මේ වන විට අවිනිශ්චිත මට්ටම පවතින බවට වාර්තා වනවා.
පාකිස්ථානය තුළ මේ දිනවල පවතින ආරක්‍ෂිත තත්ත්වය සැලකිල්ලකට ගනිමින් ශ්‍රී ලංකා කණ්ඩායමේ ක්‍රීඩකයින් කිහිපදෙනෙක් තරගාවලිය ක්‍රීඩා කිරිම පිළිබද සිය අකමැත්ත ප්‍රකාශ කර ඇති බවයි පැවසෙන්නේ.
ඊයේ (11) දිනයේ තරගය පැවැත්වුණු රාවල්පින්ඩි ක්‍රිකට් පිටියේ සිට කිලෝ මීටර් 17 ක් පමණ දුරකින් සිදු වූ මාරාන්තික බෝම්බ පිපිරීමකින් පුද්ගලයින් 12 දෙනෙක් මිය ගොස්, තවත් 36 දෙනෙක් තුවාල ලැබූ පසුබිමක ශ්‍රී ලංකා ක්‍රීඩකයින් පවතින ආරක්‍ෂිත තත්ත්වය සැලකිල්ලට ගෙන මෙලෙස තරගාවලිය අතහැර දැමීමේ සුදානමක් පවතින බවයි ක්‍රිකට් අභ්‍යන්තර ආරංචි මාර්ග පවසා සිටියේ.
කෙසේ නමුත් ශ්‍රී ලංකා ක්‍රිකට් ආයතනය විසින් මේ පිළිබද තවමත් නිල නිවේදනයක් නිකුත්කර නැහැ.
කමක් නෑ එහෙම හරි වෙලා හරියට ටීම් එක හදාගන්න පුළුවන් වුනොත්