ද්විපාර්ශ්වික සබඳතා, දේශසීමා ආරක්ෂාව සහ කලාපීය ස්ථාවරත්වය පිළිබඳව සාකච්ඡා කිරීම සඳහා කිර්ගිස්තානයේ බිෂ්කෙක් හි පැවති ෂැංහයි සහයෝගිතා සංවිධානයේ (SCO) අභ්යන්තර කටයුතු අමාත්යවරුන්ගේ සමුළුවට සමගාමීව පකිස්තාන අභ්යන්තර කටයුතු පිළිබද අමාත්ය මොහ්සින් නක්වි සහ ඉරාන අභ්යන්තර කටයුතු අමාත්ය එස්කන්දර් මොමේනි අතර හමුවක් සිදුව තිබෙනවා.
එහිදී රටවල් දෙක අතර මෙන්ම කලාපිය වශයෙන් සිදුකරන දරන උත්සහයන් පිළිබදව අමාත්යවරුන් දෙපළ අතර සාකච්ඡා වී ඇති බවයි විදෙස් මාධ්ය වාර්තාවල සඳහන් වන්නේ.
“කලාපයේ තිරසාර සාමය සඳහා රාජ්ය තාන්ත්රික උත්සාහයන් අඛණ්ඩව පවත්වාගෙන යාමේ අවශ්යතාවය අභ්යන්තර කටයුතු අමාත්යවරුන් දෙදෙනාම අවධාරණය කළ,” බව පකිස්තාන අභ්යන්තර කටයුතු අමාත්යාංශය විසින් නිකුත් කර තිබූ නිවේදනය සඳහන්.
