ආර්ථික කම්පන සහ ව්‍යුහාත්මක ප්‍රතිසංස්කරණ නොමැතිකම හේතුවෙන් පාකිස්තානයේ දරිද්‍රතාවයේ තියුණු පහත වැටීම මෑත වසරවලදී නතර වී ඇති බව ලෝක බැංකුව පවසනවා.
2001 සහ 2015 අතර, නාගරීකරණයේ රැල්ලක් 2019 වන විට ජාතික දරිද්‍රතා අනුපාතය 64% සිට 22% දක්වා අඩු කිරීමට උපකාරී වූ බව ලෝක බැංකුව පෙන්වා දෙනවා.
ඒ, ග්‍රාමීය සේවකයින් ප්‍රවාහනය, ඉදිකිරීම් සහ වෙළඳාම වැනි අංශවල අවිධිමත් නාගරික රැකියාවලට යොමු වීමත් සමඟයි.
කෙසේ වෙතත්, එම ප්‍රගතිය එතැන් සිට මන්දගාමී වී ඇති අතර, 2024 වන විට දරිද්‍රතාවය 25% දක්වා ඉහළ ගොස් තිබෙනවා.
ආරම්භක දරිද්‍රතාවය අඩු කිරීමට සහාය වූ වර්ධන ආකෘතිය ප්‍රගතිය පවත්වා ගැනීමට ප්‍රමාණවත් නොවන බව ඔප්පු වී ඇතැයි ලෝක බැංකු වාර්තාවේ සඳහන්.
එය වසර ගණනාවක ප්‍රගතිය ආපසු හැරවීමක් බව ලෝක බැංකුව පවසනවා.
COVID-19 වසංගතය, යුක්රේන යුද්ධයෙන් පසු ගෝලීය උද්ධමනය සහ 2022 දී ඇති වූ විනාශකාරී ගංවතුර ඇතුළු කම්පන රාශියක් පසුබෑමට හේතුවූ ප්‍රධාන කාරණා ලෙස වාර්තාව සඳහන් කළා.
