ප්රධාන ගංගාවල ජල මට්ටම් ඉතාමත් ඉහළ මට්ටමක පවතින බැවින් ඉහළ අගයකින් යුත් හදිසි වර්ෂාවකදී ක්ෂණික ගංවතුර තත්ත්වයක් ඇති වීමේ අවදානමක් පවතින බව වාරිමාර්ග දෙපාර්තමේන්තුව අනතුරු අඟවනවා.
වාරිමාර්ග දෙපාර්තමේන්තුව පවසන්නේ කාළගුණික අංශ පුරෝකථනය කරන අන්දමට දකුණු අන්දමන් මුහුදු ප්රදේශය ආසන්නව වර්ධනය වෙමින් පවතින අඩුපීඩන කලාපය හේතුවෙන් දිවයිනේ පළාත් හයකට මිලි මීටර් 200ට වැඩි වර්ෂාපතනයක් ඇති විය හැකි බවයි.
උතුර, උතුරු මැද, නැගෙනහිර, දකුණ, ඌව සහ බස්නාහිර පළාත්වලට එම අධික වැසි ඇතිවිය හැකි බවයි එම දෙපාර්තමේන්තුව සඳහන් කරන්නේ.
මෙම තත්ත්වය අනුව හැසිරීම් රටාව සම්බන්ධයෙන් වූ පසුගිය අත්දැකීම් අනුව ප්රධාන ගංඟාවන්හි 2025.11.25 සිට 2025.11.30 දක්වා වූ කාලය තුල ගංවතුර තත්ත්වයක් ඇති වීමේ අවදානමක් පවතින බව වාරිමාර්ග දෙපාර්තමේන්තුව දැනුම් දෙනවා.
බැවින් ඒ පිලිබදව වාරිමාර්ග දෙපාර්තමේන්තුව මගින් නිකුත් කරන පූර්ව ගංවතුර අනතුරු ඇඟවීම නිවේදනයන් සම්බන්ධයෙන් සියළුම ගංඟාවල පහත් නිම්නයන් හි පදිංචි ජනතාවගෙන් හා එම ප්රදේශ හරහා ගමන් කරන ජනතාවගෙන් ද මේ සම්බන්ධයෙන් දැඩි අවධානයෙන් පසුවන ලෙස ඉල්ලා සිටිනවා.
