ප්රංශය සහ ශ්රී ලංකාව අතර විදේශ ණය ප්රතිව්යුහගත කිරීමේ ක්රියාවලියට අදාළව ණය ප්රතිව්යුහගත කිරීම පිළිබඳ ගිවිසුමට ඊයේ (16) කොළඹ දී අත්සන් තබා තිබෙනවා.
මෙම ගිවිසුමට ශ්රී ලංකා රජය වෙනුවෙන් මුදල්, ක්රමසම්පාදන සහ ආර්ථික සංවර්ධන අමාත්යාංශයේ ලේකම් කේ. එම්. මහින්ද සිරිවර්ධන අත්සන් තැබූ අතර, ප්රංශ ජනරජය වෙනුවෙන් බහුපාර්ශ්වික කටයුතු, වෙළඳ හා සංවර්ධන ප්රතිපත්ති දෙපාර්තමේන්තුවේ සහකාර ලේකම්, භාණ්ඩාගාර අධ්යක්ෂ ජනරාල්, විලියම් රූස් විසින් අත්සන් තැබුවා.
ප්රංශ ජනරජය සහ ශ්රී ලංකාව අතර විදේශ ණය ප්රතිව්යුහගත කිරීමේ ක්රියාවලියට අදාළව ප්රංශ ජනරජය සමඟ ණය ප්රතිව්යුහගත කිරීම පිළිබඳ ද්විපාර්ශ්වික ගිවිසුම අත්සන් කිරීම විදේශ ණය ප්රතිව්යුහගත කිරීමේ ක්රියාවලියේ වැදගත් සන්ධිස්ථානයක් බවයි මුදල් අමාත්යාංශය නිවේදනය කරන්නේ.
ණය තිරසාරභාවය යථා තත්ත්වයට පත් කිරීම සහ එමඟින් ශ්රී ලංකාවේ ආර්ථිකය නැවත ගොඩ නැගීම සඳහා ණය ප්රතිව්යුහගත කිරීමේ ක්රියාවලිය කඩිනමින් නිම කිරීමට ශ්රී ලංකා රජයේ ඇති කැපවීම පිළිබඳව සාක්ෂි දරණ බව මුදල් ක්රමසම්පාදන සහ ආර්ථික සංවර්ධන අමාත්යාංශය නිවේදනය කරනවා.
ජපානය සහ ඉන්දියාව සමඟ නිල ණයහිමි කමිටුවේ සම – සභාපතිත්වය දරමින්, ශ්රී ලංකාවේ විදේශ ණය ප්රතිව්යුහගත කිරීමේ ක්රියාවලියට නායකත්වය ලබාදීමේදී ප්රංශ ජනරජය වැදගත් කාර්යභාරයක් ඉටුකර ඇතැයි ද අමාත්යාංශය නිකුත් කළ නිවේදනයේ වැඩිදුරටත් සඳහන්.
ණය තිරසාරභාවය යථා තත්ත්වයට පත් කිරීම සඳහා අර්ථාන්විත ප්රගතියක් ළඟාකර ගැනීමට ශ්රී ලංකා රජයට මෙමඟින් හැකියාව ලැබී ඇතැයි අදාළ නිවේදනයේ දැක්වෙනවා.
.
