කඩවත මහාමායා බාලිකා විද්යාලයේ ශිෂ්ය පාර්ලිමේන්තුවේ මංගල සැසිවාරය ඊයේ (19) ජනාධිපති කාර්යාලයේ දී පැවැත් වුණා.
ඉන් අනතුරුව ජනාධිපති රනිල් වික්රමසිංහ සමඟ සුහද හමුවකට එක්වීමට ද එම දරුවන්ට අවස්ථාව ලැබුණා.
ජනාධිපති කාර්යාලයේ කැබිනට් මණ්ඩලය පැවැත්වෙන ස්ථානයට එම දරුවන් කැඳවූ ජනාධිපතිවරයා කැබිනට් මණ්ඩලය යනු කුමක්ද,එහි ව්යුහය සහ ක්රියාකාරිත්වය පිළිබඳව ඔවුන් දැනුවත් කළා.
රටේ ප්රධාන තීන්දු තීරණ ගනු ලබන කැබිනට් මණ්ඩලය පැවැත්වෙන ස්ථානයේදීම, එය මෙහෙයවනු ලබන ජනාධිපතිවරයා සමඟ කතාබහකට එක්වීමට පාසල් දරුවන්ට අවස්ථාව හිමි වූයේ පළමුවරට වීම ද විශේෂත්වයක්.
ශිෂ්ය පාර්ලිමේන්තුවේ අමාත්ය ධුර දරණ සිසුවියන් වෙත එම අමාත්ය ධුරයන්හි වගකීම, කාර්යභාරය සහ කැබිනට් මණ්ඩලයේ වගකීම් පිළිබඳව ද මෙහිදී ජනාධිපතිවරයා කරුණු පහදා දෙනු ලැබුවා.
රටේ අනාගත නායකත්වයට පත්වන දරු පරපුර රාජ්ය පාලන ව්යුහය පිළිබඳ මනා දැනුමක් ලබා තිබීමේ අවශ්යතාව ද ජනාධිපතිවරයා පැහැදිලි කළා.
තම පාසලේ දරුවන් වෙත ලබාදුන් මෙම ඓතිහාසික අවස්ථාව පිළිබඳව කඩවත මහාමායා බාලිකා විද්යාලයේ විදුහල්පතිනි ඩබ්ලිව්.ආර්. ප්රියදර්ශනී විසින් මෙහිදී ජනාධිපති රනිල් වික්රමසිංහ වෙත සිය ස්තූතිය පිරිනැමුවා.
