මීට වසරකට පෙර කාශ්මීරයේ සුන්දර පහල්ගම් නිම්නය සංචාරකයින්ගේ ලෙයින් තෙත් වූ ඒ බිහිසුණු දිනය අද මුළු මහත් ඉන්දියාවම කම්පනයෙන් යුතුව සිහිපත් කරනවා.
පුංචි ස්විට්සර්ලන්තයේ සිරි නැරඹීමට පැමිණ එදින ප්රහාරයෙන් දිවි අහිමි වූ 26 දෙනෙක්ගේ නාමය සදාතනික කිරීමට පහල්ගම් නිම්නයේ විශේෂ ස්මාරකයක් ද විවෘත කෙරුණා.
ඉන්දීය අග්රාමාත්ය නරේන්ද්ර මෝදි ද විශේෂ පණිවිඩයක් නිකුත් කරමින් කියා සිටියේ මෙම ජීවිත පරිත්යාගය ජාතිය කිසිදා අමතක නොකරන බවයි.
ජම්මු සහ කාශ්මීරයේ සිවිල් වැසියන් 26 දෙනෙක්ට මරු කැඳවමින් සිදු වූ පහල්ගම් සංහාරයේ පළමු අනුස්මරණය නිමිත්තෙන් බයිසරන් නිම්නයේ ස්මාරකය අබියසදී සුහද අභනයන්, රැලි සහ නිහඬ උපහාර දැක්වීම් පැවැත්වුණා.
මෙම අවස්ථාව සඳහා ආරක්ෂාව දැඩි කර තිබූ අතර අමතර මුරපොළවල් ද ස්ථාපිත තර තිබූ බව වාර්තා වනවා.
පහල්ගම් හි, බොහෝ ගෙවන උද්යාන ඊයේ සංචාරකයින්ට නොමිලේ ප්රවේශයට අවසර ලබා දී තිබූ අතර අශ්ව හිමිකරුවන් අසරුවන්ට නොමිලේ අමතර කාලයක් ලබා දීමට පියවර ගත්තා.
කාශ්මීරයේ ප්රාදේශීය භාරතීය ජනතා පක්ෂ නියෝජිතයන් කලු දිනයක් ලෙස සලකා ත්රස්තවාදයට එරෙහි විරෝධතාවක් සංවිධාන කර තිබුණා.
ත්රස්ත ප්රහාරයෙන් මිය ගිය අයට උපහාර දක්වමින්, ජම්මු හා කාශ්මීරයේ ආණ්ඩුකාර මනෝජ් සිංහා පැවසුවේ සිද්ධිය අමතක නොකරන අතරම ඊට සම්බන්ධ වූවන්ට කිසිසේත් සමාව නොදෙන බවයි.
The Resistance Front නම් කණ්ඩායමක් ප්රහාරයේ වගකීම භාර ගත් අතර එය පකිස්ථානයේ ක්රියාත්මක ලෂ්කර්-ඊ-තායිබා සංවිධානයට සම්බන්ධ බව පසුව හෙළිවුණා.
මෙම ප්රහාරය සිදුවූයේ ජම්මු සහ කාශ්මීරයේ මැතිවරණයෙන් පසුව සහ සංචාරක ව්යාපාරය වර්ධනය වෙමින් පැවති කාලයකයි.
බිය ඇති කිරීම, ආර්ථිකයට හානි කිරීම සහ කලාපයේ ප්රගතිය නැවැත්වීම ප්රහාරයේ අරමුණ වී තිබුණා.
ප්රහාරකයන් පකිස්ථානයට සම්බන්ධ බවට ඉන්දියාව චෝදනා කළ අතර ත්රස්තයන්ට එරෙහිව ඔපරේෂන් සින්දූර් ද ක්රියාත්මක කළා.
අද වන විට පහල්ගම් නිම්නය යළිත් සුන්දරත්වයෙන් පිරී ඇති අතර, සංචාරකයින්ගේ ආරක්ෂාව වෙනුවෙන් QR කේත ඇතුළත් නව ආරක්ෂක විධිවිධාන ද ක්රියාත්මකයි.
ඒ අනුව වසරක් ගත වන විට පහල්ගම් හි සාමය යළි ස්ථාපිත වී තිබෙනවා.
නැවතත් සංචාරකයින්ගෙන් වීථී සහ කඩ සාප්පු පිරී යමින් තිබෙන්නේ කාශ්මීරයේ ආර්ථිකය ද වර්ධනය කරමින්.
