පොලිස් නිලධාරීන් 500ක පමණ පිරිසකට එරෙහිව මත්ද්රව්ය වැරදි සම්බන්ධයෙන් විනය පියවර ගෙන ඇති බව පොලිස්පති ප්රියන්ත වීරසූරිය පවසනවා.
මත්ද්රව්ය වැරදිවලට සම්බන්ධ වූ පොලිස් නිලධාරීන් රැසක් සේවයෙන් ඉවත් කිරීමට ද පියවර ගෙන ඇති බවයි පොලිස්පතිවරයා සඳහන් කළේ.
අනුරාධපුර, ශ්රී ලංකා පොලිස් විද්යාලයීය ක්රීඩාංගණයේ පැවති අධුනික පොලිස් නිලධාරීන් විසිරයාමේ උත්සවයට එක්වෙමින් පොලිස්පතිවරයා මේ බව පැවසුවා.
මේ අතර කැපවීමෙන් නිවැරදිව රාජකාරිය ඉටුකරන පොලිස් නිලධාරීන් ඇගයීමට සඳහා ත්යාග වශයෙන් 2025 වසර තුළ දී රුපියල් මිලියන 2200ක පමණ මුදලක් ලබාදී ඇති බවයි ඔහු වැඩිදුරටත් පවසා සිටියේ.
එම අවස්ථාවට මහජන ආරක්ෂක අමාත්ය ආනන්ද විජේපාල ද එක්ව සිටියා.
