තමන් ජනාධිපති ධුරයට පත්ව වසරක් සම්පූර්ණවීම වෙනුවෙන් කිසිඳු උත්සවයක් සංවිධානය නොකරන ලෙස ජනාධිපති රනිල් වික්‍රමසිංහ උපදෙස් ලබා දී ඇති බව වාර්තා වනවා.
ජනාධිපති පදවිප්‍රාප්තිය වෙනුවෙන් උත්සව සංවිධානය කිරීම සම්බන්ධයෙන් ඇතැම් පාර්ශ්වයන් විසින් කළ ඉල්ලීම් සලකා බලමින් ජනාධිපතිවරයා මේ බව සඳහන් කර තිබෙනවා.
ජනාධිපති රනිල් වික්‍රමසිංහ එම තනතුරේ දිවුරුම් දී ලබන 21 වනදාට වසරක් සම්පූර්ණ වනවා.
පාර්ලිමේන්තුවේ පැවති ඡන්දයක දී ඡන්ද 134ක් ලබාගනිමින් රනිල් වික්‍රමසිංහ අනුප්‍රාප්තික ජනාධිපතිවරයා ලෙස 2022 වසරේ ජුලි 20 වනදා තේරී පත් වුණා.
ඒ, අනුව කිසිඳු මහජන මුදලක් හෝ පෞද්ගලික මුදලක් වැය කරමින් පදවිප්‍රාප්ති උත්සව පැවැත්වීමේ අවශ්‍යතාවක් නොමැති බවයි නියෝග කර ඇත්තේ.
