Rajapura Handi Oil
Rajapura Diabetic Powder

පුද්ගලික ආයතන සේවක පඩි ගෙවන්න සල්ලි අච්චු ගහන යන්ත‍්‍ර ඉල්ලයි.

වත්මන් ආර්ථික අර්බුදය හමුවේ තවත් මසක් පමණ ඇතුලත සිය ව්‍යාපාර කඩා වැටීමේ අවදානමකට ලක්ව ඇති බවට ශ්‍රී ලංකා එක්සත් ජාතික ව්‍යාපාරිකයින්ගේ සංසදය අනතුරු ඇඟවනවා.

ශ්‍රී ලංකා එක්සත් ජාතික ව්‍යාපාරිකයින්ගේ සංසදයේ ලේකම් ආසිරි දයාන් මෙරෙන්චිගේ මහතා මෙලෙස අදහස් පළකළා.

“දැන් අපි ව්‍යාපාරිකයෝ හැටියට කෙළවරේම අන්තිම අමාරු අවස්ථාවක ඉන්නේ. අපේ ව්‍යාපාර අපි ඉතුරු කරගත්ත සල්ලිවලින් මෙච්චර කල් ඇදගෙන ආවා. මෙතනින් ඉදිරියට ගෙනියන්න බැරි තැනට දැන් ඇවිල්ලා ඉන්නේ.”

රජයේ සේවකයන්ගේ වැටුප් ගෙවීම සඳහා මුදල් අච්චු ගහන බව අමාත්‍යවරයා ප්‍රකාශ කර ඇති බවත් නමුත් එවිට පෞද්ගලික අංශයේ සේවකයන්ට සිදුවන්නේ කුමක්දැයි සංගමයේ සභාපතිනි ටානියා අභයසුන්දර මහත්මිය ප්‍රශ්න කළාය.

රජයේ සේවකයන්ට වැටුප් ගෙවන්නේ මුදල් අච්චු ගැසීමෙන් නම් තමන්ට ද මුදල් මුද්‍රණය කිරීම සඳහා මුද්‍රණ යන්ත්‍රය බැගින් ලබා දෙන්නැයිද ඇය ඉල්ලා සිටියාය.