අභාවප්රාප්ත ප්රවීන රංගන ශිල්පිනි මාලිනී ෆොන්සේකා වෙනුවෙන් ජනපති අනුර කුමාර ශෝකය පළකරමින් නිල ෆේස්බුක් පිටුව ඔස්සේ ශෝක සටහනක් තබා තිබෙනවා.
ඇය විසින් ගොඩනගා ගත් රංග පෞරුෂය ලාංකේය සිනමාවේ වෙනත් කිසිදු රංගන ශිල්පිනියකට නොදෙවෙනි වන නිසාම ඇය හඳුනාගත හැක්කේ තමන් සිටි යුගයට වඩා ඉදිරියෙන් සිටි රංගවේදිනියක ලෙස බවයි ජනාධිපතිවරයා පවසන්නේ.
දශක ගණනක් සිය රංගන ප්රතිභාවෙන් ලාංකේය සිනමාව පෝෂණය කළ ඇයට දැයේ ප්රණාමය පුද කර සිටින බව ජනාධිපතිවරයා තැබූ ශෝක සටහනේ සඳහන්.
“1968 වර්ෂයේ දී සිය රංගන දිවිය ආරම්භ කළ හෙළ සිනමාවේ නිළි රැජිණ හෙවත් මාලනී ෆොන්සේකා මහත්මිය අද (24) දින සිය දිවි සැරිය නිමා කරන්නේ තවත් එක් කලාකාරියක හෝ ශිල්පිනියක ලෙස නොව වේදිකා නාට්ය, සිනමාව සහ ටෙලි නාට්යද යන සියලුම අංශයන්හිදී අසාමාන්ය ප්රතිභාවක් විදහා දැක්වූ රංගවේදිනියක ලෙසය.
ඇය විසින් ගොඩනගා ගත් රංග පෞරුෂය ලාංකේය සිනමාවේ වෙනත් කිසිදු රංගන ශිල්පිනියකට නොදෙවෙනි වන නිසාම ඇය හඳුනා ගත හැක්කේ තමන් සිටි යුගයට වඩා ඉදිරියෙන් සිටි රංගවේදිනියක ලෙසිනි. දශක ගණනක් සිය රංගන ප්රතිභාවෙන් ලාංකේය සිනමාව පෝෂණය කළා වූද ලාංකේය සිනමා සන්නාමය දේශීය වශයෙන් මෙන්ම අන්තර්ජාතික වශයෙන් ඔසවා තැබුවා වූද කීර්තිමත්, ප්රවීණ රංගවේදිනී මාලනී සෙනෙහෙලතා ෆොන්සේකා මහත්මියට දැයේ ප්රණාමය පුද කර සිටිමු.”
These people who didn’t respect or even bother about our film industry, now trying to send there sympathy and respect. This is all showing off I would say. Deep down inside truly sad that we lost our best ever actress. May her soul rest in peace 🙏🌹