උදාවෙන සිංහල අලුත් අවුරුද්දේ දරුවන් හට පිරිසිදු පොල්තෙල් සිඳින ආකාරය අවුරුද්දට ගමේ ගිය විට කියා දෙන්නැයි රජයේ වෛද්‍ය නිලධාරීන්ගේ සංගමය පවසනවා.
එම සංගමය සදහන් කරන්නේ කාර්ය බහුලව නාගරික දිවි පෙවෙතක් ගෙවන පුද්ගලයින් දේශීය ක්‍රම අනුව පොල්තෙල් සිඳගතහොත් දරුවන්ව පිළිකාකාරක කලවම් පොල්තෙල්වලින් බේරාගැනීමට හැකිවනු ඇති බවයි.
අතීතයේ සෞඛ්‍යමය වටිනාකම දත් පැරැන්නෝ මීතෙල් හා පොල්තෙල් පරිභෝජනය කළ බවත් දශක කිහිපයකට පෙර වෙනත් තෙල් වර්ග ප්‍රවර්ධනය කර පොල්තෙල් පිළිබඳ දුර්මත පතුරුවා පොල්තෙල් අපකීර්තියට පත් කළ බවත් රජයේ වෛද්‍ය නිලධාරීන්ගේ සංගමයේ සභාපති විශේෂඥ වෛද්‍ය අනුරුද්ධ පාදෙණිය මහතා සදහන් කරනවා.
එබැවින් හැකි ආකාරයෙන් නිවසේදී පොල්තෙල් සිඳගන්නා ලෙස එම සංගමය මහජනතාවගෙන් ඉල්ලා සිටිනවා.
