ශ්‍රී ලංකාව සහ සංචාරක අයර්ලන්ත කණ්ඩායම අතර දෙවන සහ අවසන් ටෙස්ට් තරගය අද (24) ආරම්භ වීමට නියමිතයි.
ගාල්ල ක්‍රීඩාංගණයේ දී මෙම තරගය ආරම්භ වන අතර, දෙරට අතර පැවති පළමු තරගයෙන් ශ්‍රී ලංකාවට දැවැන්ත ජයක් හිමි වුණා.
අද ආරම්භවන තරගය සඳහා අයර්ලන්ත සංචිතය වෙනුවෙන් එම කණ්ඩායමේ උප නායක පෝල් ස්ටර්ලින් පසුගිය දා මෙරටට කැඳවා තිබුණා.
ඔහු මෙම තරගාවලියෙන් විවේක ගන්වා සිටි අතර, අද ආරම්භවන තරගය සඳහා ඔහු ක්‍රීඩා කරනු ඇති බවයි තොරතුරු වාර්තා වන්නේ.
මේ අතර ශ්‍රී ලංකා වත්මන් ටෙස්ට් ක්‍රිකට් නායක දිමුත් කරුණාරත්න ශ්‍රී ලංකා කණ්ඩායම මෙහෙයවන අවසන් ටෙස්ට් තරගය මෙය වීමද විශේෂත්වයක්.
අයර්ලන්තය සමඟ පැවැත්වෙන මෙම ටෙස්ට් තරගාවලියෙන් පසු තමන් නායකත්වයෙන් ඉවත්වන බවට ක්‍රිකට් ආයතනයට දන්වා තිබුණා.
