ශ්රී ලංකා පොදුජන පෙරමුණ පාර්ලිමේන්තු මන්ත්රී නාමල් රාජපක්ෂ අපරාධ පරීක්ෂණ දෙපාර්තමේන්තුව වෙත මීට සුළු මොහොතකට පෙර පැමිණියා.
මත්ද්රව්ය ජාවාරම්කරුවෙක් සහ සංවිධානාත්මක අපරාධ කල්ලි නායක මන්දිනු පත්මසිරි පෙරේරා නොහොත් කෙහෙල්බද්දර පත්මේ සමඟ සමීප සම්බන්ධතා පැවැත්වූ බව කියන සිද්ධියක් සම්බන්ධයෙන් ප්රකාශයක් සටහන් කරගැනීම සඳහා මන්ත්රීවරයා මෙලෙස අපරාධ පරීක්ෂණ දෙපාර්තමේන්තුවට කැඳවා තිබෙනවා.
මේ අතර හිටපු ජනාධිපති මහින්ද රාජපක්ෂගේගේ බිරිඳ වන ශිරන්ති රාජපක්ෂ අද පෙරවරුවේ පොලිස් මූල්ය අපරාධ කොට්ඨාශය වෙත පැමිණියා.
හිටපු ජනාධිපති මහින්ද රාජපක්ෂ සමඟ ඇය එම කොට්ඨාශය වෙත පැමිණ සිටියා.
සිරිලිය ගිණුමේ මුදල් භාවිත කරමින් නිවසක් මිලදී ගත් බවට එල්ල වී ඇති චෝදනාව සම්බන්ධයෙන් සිදුකෙරෙන විමර්ශනයකට අදාළව ප්රකාශයක් ලබාගැනීම සඳහායි ඇයව මෙලෙස එම කොට්ඨාසය වෙත කැඳවා තිබුණේ.
