නව විගණකාධිපතිවරයා තෝරා පත්කර ගනී

අද (03) දිනයේ රැස්වූ ආණ්ඩුක්‍රම ව්‍යවස්ථා සභාව මඟින් නව විගණකාධිපතිවරයෙක් තෝරාගෙන තිබෙනවා.

මේ වනවිට පැවැත්වෙන අමාත්‍ය මණ්ඩල තීරණ දැනුම්දීමේ මාධ්‍ය හමුවේ දී කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස මේ බව අනාවරණය කළා.

ඒ, අනුව ජනාධිපතිවරයා විසින් යොමුකරන ලද නම ආණ්ඩුක්‍රම ව්‍යවස්ථා සභාව මඟින් අනුමත කර ඇති බවයි ඔහු වැඩිදුරටත් සඳහන් කළේ.

ජ්‍යෙෂ්ඨ නියෝජ්‍ය විගණකාධිපතිනිය ලෙස කටයුතු කරන, එල්. එස්. අයි. ජයරත්න මහත්මිය නව විගණකාධිපති ධුරයට පත් කිරීම සඳහා මෙලෙස අනුමැතිය හිමිව ඇති බවයි තොරතුරු වාර්තා වන්නේ.

විගණකාධිපති ලෙස කටයුතු කළ ඩබ්ලිව්.පී.සී වික්‍රමරත්න විශ්‍රාම යාමත් සමඟ පසුගිය වසරේ අප්‍රේල් 08 වන දින සිට එම ධුරය හිස්ව පැවතියා.

කෙසේ වෙතත් එම ධුරයේ වැඩබැලීම සඳහා ධර්මපාල ගම්මන්පිල පත්කෙරුණු අතර ඔහුගේ වැඩබැලීමේ කාලය පසුගිය දෙසැම්බර් මස 05 වන දිනෙන් අවසන් වුණා.