නව කැබිනට් මණ්ඩලයට ජනතාවට අලුත් පන්නයේ ආදර්ශයන් ගණනාවක් ලබාදිය හැකි බවට තමන් විශ්වාසකරන බව ජනාධිපති අනුර කුමාර දිසානායක පවසනවා.
ජනාධිපතිවරයා මේ බව සඳහන් කළේ නව රජයේ කැබිනට් අමාත්ය මණ්ඩලය අද (18) දිනයේ දිවුරුම්දීමෙන් අනතුරුව එම උත්සව සභාව අමතමින්.
එමෙන්ම රට අපේක්ෂා කරන ජයග්රහණවල නියමු කාර්ය, කැබිනට් මණ්ඩලයට තෝරා පත් කරගත් අමාත්යවරුන් සතුව ඇති බවත්; එම කාර්යන් නියම ආකාරයෙන් ඉටුකරන බවට දැඩි විශ්වාසයක් ද තමන් තුළ පවතින බවයි ජනාධිපතිවරයා මෙහිදී වැඩිදුරටත් පවසා සිටියේ.
එමෙන්ම ජනතාව මේ වනවිට ජාතික ජන බලවේගය මනිනු ලබන්නේ දේශපාලන සටන් පාඨවල නිවැරදිතාවය මත නොවන බවත්; ජාතික ජන බලවේගය මේ වනවිට ජනතාව විසින් මනිනු ලබන්නේ ආණ්ඩුකරණයේ දී යහපත් ද නැද්ද යන්න සාධක මත බව ද ජනාධිපති අනුර කුමාර දිසානායක මෙහිදී සිහිපත්කර සිටියා.
මේ අතර මෙවර මැතිවරණයේ දී විශාල උද්යෝගයකින් ජනතාව නැඟිට සිටියේ ඔවුන් විඳගෙන සිටි පීඩාව නිසා බව පැවසූ ජනාධිපතිවරයා; මෙම මැතිවරණයේ ප්රතිඵලය ඔවුන්ගේ නිදහස් ආමන්ත්රණය බවයි සඳහන් කර සිටියේය.
ඒ අනුව පුරවැසියාට අඩ නිදහසක්දීමට කිසිවිටෙකත් බලාපොරොත්තු නොවන බව ද පැවසූ ජනාධිපතිවරයා, පුනරුද යුගයකට රට රැගෙන යා යුතු බවයි දන්වා සිටියේ.
ජනාධිපතිවරයා සිදුකළ සම්පූර්ණ කතාව පහතින් නරඹන්න..
