නවසීලන්ත කාන්තා ක්රිකට් ‘A’ කණ්ඩායම තරග සංචාරයක් සඳහා අද (08) අලුයම දිවයිනට පැමිණියා.
නවසීලන්ත කාන්තා ක්රිකට් ‘A’ කණ්ඩායමේ ශ්රී ලංකා තරග සංචාරයට එක්දින සහ විස්සයි විස්ස තරගාවලියක් අතුළත්.
මෙම කණ්ඩායම අද (08) අලුයම 12.48 ට සිංගප්පූරුවේ සිට සිංගප්පූරු ගුවන් සේවයේ එස්.කිව්.- 468 දරන ගුවන් යානයෙන් කටුනායක ගුවන් තොටුපොළ වෙත පැමිණි අතර, නිලධාරීන් සහ ක්රීඩිකාවන් 21 දෙනෙකු මෙලෙස දිවයිනට පැමිණ තිබෙනවා.
ඔවුන්ව පිළිගැනීම සදහා ශ්රී ලංකා ක්රිකට් ආයතනයේ නිලධාරීන් පිරිසක් ගුවන් තොටුපොළ වෙත පැමිණ සිටියා.
නවසීලන්ත කාන්තා ක්රිකට් ‘A’ කණ්ඩායම සහ ශ්රී ලංකා කාන්තා ක්රිකට් ‘A’ කණ්ඩායම අතර එක්දින තරගාවලිය ලබන 12 වනදා ආරම්භ වන අතර, විස්සයි විස්ස තරගාවලිය ලබන 21 වනදා ආරම්භ වනවා.
මෙම සියලුම තරග දඹුල්ල ජාත්යන්තර ක්රිකට් ක්රීඩාංගනයේ දී පැවැත්වීමටයි සැලසුම් කර ඇත්තේ.
