විස්සයි විස්ස ලෝක කුසලානය ඉතිහාසයේ ඕනෑම කඩුල්ලක් වෙනුවෙන් වාර්තා වූ ඉහළම සම්බන්ධතාව ගොඩ නැගීම සඳහා නවසීලන්ත කණ්ඩායමේ ආරම්භක පිතිකරුවන් වන ටිම් සයිෆර්ට් සහ ෆින් ඇලන් අද (10) සමත් වුණා.
ඒ නවසීලන්ත කණ්ඩායම සහ එක්සත් අරාබි එමීර් රාජ්ය අතර අද (10) චෙන්නායි ක්රීඩාංගනයේ පැවති තරගයේ දියි.
තරගයේ කාසියේ වාසිය ජයගත් එක්සත් අරාබි එමීර් රාජ්ය කණ්ඩායම පළමුවෙන් පන්දුවට පහරදීමට තීරණය කළ අතර ඒ අනුව ඔවුන් නියමිත පන්දුවාර 20 අවසානයේ කඩුලු 06ක් දැවී ලකුණු 173ක් රැස්කර ගනු ලැබුවා.
ලකුණු 174ක ඉලක්කයක් වෙනුවෙන් පිටියට පිවිසි නවසීලන්ත ආරම්භක පිතිකරු යුගලය පන්දුවාර 15යි පන්දු 02ක් තුළ කිසිවෙකුත් නොදැවී ලකුණු 175ක් රැස්කරමින් එම ඉලක්කය සපුරා ගත්තා.
කිසිවෙකුත් නොදැවී එම ඉලක්කය සපුරා ගත් එම සම්බන්ධතාව විස්සයි විස්ස ලෝක කුසලාන ඉතිහාසයේ පිතිකරුවන් දෙදෙනෙක් විසින් ඕනෑම කඩුල්ලක් වෙනුවෙන් පිහිටවූ ඉහළම සම්බන්ධතාව ලෙස වාර්තා පොත් අතරට එක්වුණා.
ටිම් සයිෆර්ට් නොදැවී ලකුණු 89ක් රැස්කළ අතර ෆින් ඇලන් නොදැවී ලකුණු 84ක් රැස්කළා.
ඕක අපි ගහන්න හිටියේ.
කොහේද ඒක උන්ට ආරංචි උනානේ