පන්දුවාර විස්සයි විස්ස ලෝක කුසලාන තරගාවලියේ සුපිරි 12 වටයේ අද පැවති තරගයකින් ඇෆ්ගනිස්ථානය පරදා ජය ලබන්නට නවසීලන්ත කණ්ඩායම සමත් වුණා.නවසීලන්තය මෙම තරගය ජය ගත්තේ කඩුලු 08කින්.
මෙම ජයත් සමඟ නවසීලන්ත කණ්ඩායම විස්සයි විස්ස ලෝක කුසලාන තරගාවලියේ අවසන් පූර්ව වටය සඳහා සුදුසුකම් ලබා ගැනීමට සමත් වුණා.
නවසීලන්තය ලැබූ මෙම ජයග්‍රහණයත් සමඟ එම කාණ්ඩයෙන් අවසන් පූර්ව වටය සඳහා සුදුසුකම් ලබාගැනීමට ඉන්දියාව තබා තිබූ බලාපොරොත්තුව බොඳ වී යාම විශේෂත්වයක්.ඒ අනුව එම කාණ්ඩයෙන් මේ වනවිට පකිස්ථානය සහ නවසීලන්තය අවසන් පූර්ව වටය සඳහා සුදුසකම් ලබා තිබෙනවා.
