හබරණ, පොළොන්නරුව ප්රධාන මාර්ගයේ මින්නේරිය නගරය ආශ්රිත ප්රදේශයේදී අද (07) උදෑසන සිදුවූ රිය අනතුරකින් පුද්ගලයන් දෙදෙනක් බරපතල තුවාල ලබා පොළොන්නරුව මහ රෝහලට ඇතුලත් කර තිබෙනවා.
කුඩා ලොරි රථයක් සහ කන්ටේනරයක් සහිත ලොරි රථයක් ගැටීමෙන් මෙම අනතුර සිදුව ඇති බවයි මින්නේරිය පොලිසිය සඳහන් කළේ.
මෙම ලොරි රථ දෙකම පොළොන්නරුව දෙස සිට හබරණ දෙසට ගමන් කර ඇති අතර කන්ටේනරය සහිත ලොරි රථය මාර්ගයේ අයිනේ නවතා එහි රියදුරා වෙළඳසැලකට ගොස් තිබෙන අතරතුර පිටුපසින් පැමිණි කුඩා ලොරි රථය, කන්ටේනරය සහිත ලොරි රථයේ පිටුපස කොටසේ ගැටී මෙම අනතුර සිදුවී තිබෙනවා.
අනතුරෙන් කුඩා ලොරි රථයේ ගමන් කළ රිය සහායකයා සහ රියදුරා තුවාල ලබා ඇතිි අතරින් ඔවුන් දෙදෙනාම හිඟුරක්ගොඩ රෝහලට ඇතුළත් කිරීමෙන් අනතුරුව පොළොන්නරුව මහ රෝහල් වෙත මාරුකර යවා ඇති බවයි වාර්තා වන්නේ.
ඔවුන් දෙදෙනාගේම තත්ත්වය බරපතල බවයි රොහල් ආරංචි මාර්ග සඳහන් කරන්නේ.
කෙසේ වෙතත් අනතුර සම්බන්ධයෙන් මාර්ගය අයිනේ නවතා තිබූ කන්ටේනරය සහිත ලොරි රථයේ රියදුරු මින්නේරිය පොලිසිය විසින් අත්අඩංගෙන ඇති ගෙන තිබෙනවා.
සිද්ධිය සම්බන්ධයෙන් මින්නේරිය පොලිසිය විසින් වැඩිදුර විමර්ශන සිදුකරනු ලබනවා.
