සෞඛ්ය හා ජනමාධ්ය අමාත්ය වෛද්ය නලින්ද ජයතිස්සගේ නම ව්යාජ ලෙස භාවිතා කර බැංකු ගිණුම් සාදා හාමුදුරුනමකට රෝද පුටුවක් ලබා දෙන බව පවසා ආධාර මුදල් ලබාගත් බව කියන සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව අත්අඩංගුට ගත් සැකකරුවෙක් ලබන 06 දක්වා රක්ෂිත බන්ධනාගාරගත කරන ලෙස කොළඹ ප්රධාන මහේස්ත්රාත් අසංග එස් බෝදරගම අද (27) නියෝග කළා.
සිද්ධියට අදාල නඩුව කැඳවූ අවස්ථාවේදී අපරාධ පරීක්ෂණ දෙපාර්තමේන්තුව වෙනුවෙන් පෙනී සිට නිලධාරීන් සඳහන් කර සිටියේ මෙම සැකකරු විදේශගතව සිට ලංකාවට පැමිණීමේදී ගුවන් තොටුපොළ පරිශ්රයේදී අත්අඩංගුවට ගත් බවයි.
මෙලෙස රක්ෂිත බන්ධනාගාර ගත කරනු ලැබුවේ පිළිමතලාව පදිංචි හෙට්ටිආරච්චිගේ සුදේශ් නලින්ද අල්විස් නමැති අයෙකි.
මෙම සිද්ධිය සම්බන්ධයෙන් මීට පෙර විමර්ශනයක් පවත්වන බව අපරාධ පරීක්ෂණ දෙපාර්තමේන්තුව විසින් අධිකරණයට කරුණු වාර්තා කර තිබුණා
අපරාධ පරීක්ෂණ දෙපාර්තමේන්තුවේ පරිගණක විමර්ශන ඒකකයට සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා විසින් කරන ලද පැමිණිල්ලකට අදාළව අධිකරණයෙන් මෙලෙස නියෝග කර තිබුණා.
සිද්ධිය සම්බන්ධයෙන් වැඩිදුරටත් කරුණු ඉදිරිපත් කළ විමර්ශන නිලධාරීන් සඳහන් කර සිටියේ, ජනමාධ්ය අමාත්ය නලින්ද ජයතිස්ස මහතාගේ නම ව්යාජව භාවිතා කරමින් බැංකු ගිණුම් සාදා හාමුදුරු නමකට රෝද පුටුවක් ලබා දෙන බවට පවසා බොහෝ ජනතාවගෙන් ආධාර මුදල් ලබා ගැනීමට කටයුතු කර ඇති බවය.
සිද්ධියට අදාළව මේ වන විට රුපියල් තිස් අටදාහක මුදලක් බැංකු ගිණුමක තිබී අනාවරණය වූ බවත් සිද්ධිය සම්බන්ධයෙන් තවදුරටත් විමර්ශන සිදුවන බවද විමර්ශන නිලධාරීව අධිකරණයට කරුණු දැක්වීය.
මෙම සිද්ධිය පමණක් නොව වෛද්යවරුන්ගේ හෙදියන්ගේ, ආදී සමාජයේ වැදගත් පුද්ගලයන්ගේ නම් භාවිතා කරමින් ආධාර මුදල් ව්යාජ ලෙස ලබා ගැනීමේ ජාවාරමක් ක්රියාත්මක වෙමින් පවතින බවද අපරාධ පරීක්ෂණ දෙපාර්තමේන්තුව අධිකරණයට දැන්වුවා.
ඉදිරිපත් වූ කරුණු සලකා බැලූ මහේශාත්වරයා වහාම විමර්ශනයක් පවත්වා අනෙක් සැකකරුවන් ද අත්අඩංගුවට ගෙන අධිකරණයට ඉදිරිපත් කරන ලෙස නියෝග කළා.
