සිය පත්වීම අභියෝගයට ලක් කරමින් ගොනුකර තිබෙන මූලික අයිතිවාසිකම් පෙත්සම් පවත්වාගෙන යාම සම්බන්ධයෙන් අධිකරණයෙන් තීරණයක් දෙනතුරු තමා පාර්ලිමේන්තු මන්ත්රී ධුරයේ හෝ අමාත්ය ධූරයේ දිවුරුම්දීමක් නොකරන බව ව්යාපාරික ධම්මික පෙරේරා මහතා ශ්රේෂ්ඨාධිකරණයට ප්රතිඥාවක් ලබාදුනි.
ධම්මික පෙරේරා මහතා පාර්ලිමේන්තු මන්ත්රීවරයෙකු වශයෙන් පත්කිරීමේ තීරණය අවලංගු කරන ලෙස ඉල්ලා ගොනුකර තිබෙන මූලික අයිතිවාසිකම් පෙත්සම් අද (20) ප්රියන්ත ජයවර්ධන, යසන්ත කෝදාගොඩ සහ අර්ජුන ඔබේසේකර යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල හමුවේ සලකා බැලීය.
පෙත්සම් සලකා බැලීම අවසානයේදී ධම්මික පෙරේරා මහතා වෙනුවෙන් පෙනීසිටි ජනාධිපති නීතිඥ රොමේෂ් ද සිල්වා මහතා මෙම දැනුම්දීම සිදුකළේය.
අනතුරුව පෙත්සම් වැඩිදුර සලකා බැලීම හෙට දින තෙක් කල් තැබුණි.
