රජයේ වෛද්යවරුන් හඳුනාගැනීමට සඳහා මෝටර් රථවල ඉදිරිපස වීදුරුවේ අලවා ඇති අවසර පත්රය ගැසට් පත්රයකින් අනුමත කරන ලද්දක් බව රජයේ වෛද්ය නිලධාරීන්ගේ සංගමය පවසනවා.
එම නිලධාරීන්ගේ සංගමය අද (01) දහවල් කැඳවා තිබූ මාධ්ය හමුවක දී රජයේ වෛද්ය නිලධාරීන්ගේ සංගමයේ විධායක කමිටු සාමාජික වෛද්ය ප්රසාද් කොළඹගේ මේ බව සඳහන් කළා.
සේවා අවශ්යතාව මත වෛද්යවරුන් රෝහලවෙත කැඳවාගෙන යාමට අදාළ අවසර පත්රය නිකුත් කිරීම හේතු වී ඇති බවයි ඔහු මෙහිදී පැවසුවේ.
මෙලෙස නීත්යානුකූලව නිකුත් කර ඇති, රජයේ වෛද්ය නිලධාරීන් හඳුනාගැනීමමේ අවසර පත්රය රෝගී සත්කාරය පහසුකර ගැනීම සඳහා රජයත් සමඟ සාකච්ඡාකර ගනු ලැබූ තිරණයක ප්රතිඵලයක් මත නිකුත් කරන ලද්දක් බවයි වෛද්ය ප්රසාද් කොළඹගේ වැඩිදුරටත් සඳහන් කළේ.
ඒ, අනුව එය රජයේ වෛද්ය නිලධාරීන්ගේ සංගමය හෝ වෛද්යවරු විසින් පෞද්ගලිකව ගනු ලැබූ තීරණයක් මත මෙම හඳුනාගැනීමේ අවසර පත්රය නිකුත් කර නොමැති බවයි ඔහු මෙහිදී අවධාරණය කර සිටියේ.
වෛද්යවරුන් විසින් අදාළ අවසරපත මෝටර් රථයේ ඉදිරිපස වීදුරුවේ අලවාගෙන යාම වෛද්යවරුන්ගේ තත්ත්වය ප්රදර්ශනය කිරීමක් බව සමාජ මාධ්ය තුළ යම්කිසි පිරිසක් ඉතා කුහක අන්දමින් අදහස් පළකරන බව ද ඔහු පවසා සිටියා.
රථ වාහනවල ඉදිරිපස වීදුරුවල වෛද්යවරුන්, නීතිඥවරුන්, විශ්ව විද්යාල කථිකාචාර්යවරුන් සහ වෙනත් වෘත්තිකයන් බව අඟවන ස්ටිකර් ඇලවීම නීති විරෝධී බව මෝටර් රථ ප්රවාහන දෙපාර්තමේන්තුව පසුගිය දා දැනුම් දුන්නා.
ඇතැම් පුද්ගලයින් අවශ්යතාව නොදැනෙන තම තත්ත්වය සමාජයට පෙන්වීමට එම ස්ටිකර් වාහනයේ ඉදිරිපස වීදුරුවේ ඇලවීම සිදුකරන බවයි එම දෙපාර්තමේන්තුව සඳහන් කළේ.
එලෙස වාහනවල ඉදිරිපස වීදුරුවේ ඇලවීමට අවසර ඇත්තේ ආදායම් බලපත්රය පමණක් බව සඳහන් කරන මෝටර් රථ ප්රවාහන දෙපාර්තමේන්තුව, තනතුර තානාන්තරය පෙන්වීමට වාහනවල අලවා ඇති ස්ටිකර් ඉවත් කිරීමට ඉදියේ දී පොලිසිය සමඟ එක්ව කටයුතු කරන බවයි වැඩිදුරටත් පැවසුවේ.
wpDiscuz
