මේ වනවිට මෙරටින් දෛනිකව ඩෙංගු රොගීන් 600ත් 650ත් අතර සංඛ්යාවක් වාර්තා වන බව ජාතික ඩෙංගු මර්ධන ඒකකයේ වැඩබලන අධ්යක්ෂක වෛද්ය කපිල කන්නංගර පවසනවා.
වැඩබලන අධ්යක්ෂකවරයා පැවසුවේ ජනවාරි මාසයේ සිට ඊයේ (20) දක්වා මෙරටින් ඩෙංගු රෝගීන් 46,037 දෙනෙකු වාර්තා වී ඇති බවයි.
එමෙන්ම මෙම වසරේ මේ දක්වා ඩෙංගු මරණ 28ක් වාර්තා වී ඇති බවයි ඔහු සඳහන් කළේ.
මෙම මාසයේ පළමුවනදා සිට මේ දක්වා කාලය තුළ පමණක් ඩෙංගු රෝගීන් 12,196 දෙනෙකු වාර්තා වී ඇති බව සඳහන් කළ ඔහු එය මෙම වසරේ මාසයක් තුළ වාර්තා වූ වැඩිම ඩෙංගු රෝගීන් සංඛ්යාව බවයි පැවසුවේ.
එමෙන්ම බස්නාහිර පළාතෙන් වැඩිම ඩෙංගු රෝගීන් සංඛ්යාවක් වාර්තා වී ඇති සඳහන් කළ වැඩබලන අධ්යක්ෂකවරයා එම සංඛ්යාව 51.75%ක් බවයි සඳහන් කළේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
