දෙහිවල – මුහුදුබඩ පාරේ පිහිටි හෝටලයක හිමිකරුවෙක් ඊයේ (09) රාත්රියේ වෙඩි තබා ඝාතනය කෙරුණා.
නාඳුන තුවක්කරුවන් දෙදෙනෙකු විසින් සිදුකළ මෙම වෙඩි තැබීමේ දී මිය ගියේ, දෙහිවල ප්රදේශයේ පදිංචිව සිටි වයස අවුරුදු 55ක ඒ.ඩී. සනත් බාලසූරි ආරච්චි නොහොත් ‘සනා මාමා’ නැමැති අයෙක්.
මෙම පුද්ගලයාට අයත් හෝටලයේ මත්පැන් පානය කරමින් සිටි පුද්ගලයින් අතරින් එක් අයෙකු විසින් මෙම වෙඩි තැබීම සිදුකර පළාගොස් ඇති බවයි වාර්තා වන්නේ.
වෙඩි වැදීමෙන් බරපතළ තුවාල ලැබූ ‘සනා මාමා’ නැමැත්තා කළුබෝවිල ශික්ෂණ රෝහලට ඇතුළත් කිරීමෙන් පසු ජීවිතක්ෂයට පත් වුණා.
මෙම ඝාතනය අපරාධ කල්ලි සාමාජිකයින් දෙපිරිසක් අතර ඇති වූ ගැටුමක ප්රතිඵලයක් බවට සිදුකළ මූලික විමර්ශනවල දී අනාවරණය වී තිබෙනවා.
ඝාතනයට ලක්වූ පුද්ගලයා අපරාධ කල්ලි සාමාජිකයෙකු මෙන්ම මත්ද්රව්ය ජාවාරම්කරුවෙකු ලෙස සැලකෙන ‘චූවා සමන්ත’ නැමැත්තාගේ සමීපතමයෙකු බවටයි තොරතුරු හෙළිව ඇත්තේ.
‘චූවා සමන්ත’ සහ මත්ද්රව්ය ජාවාරම්කරුවෙකු වන ‘බඩෝවිට අසංක’ නැමැත්තා අතර මත්ද්රව්ය ජාවාරම් සම්බන්ධයෙන් කලක සිට පවතින විරසකට හේතුවෙන්, බඩෝවිට අසංකගේ පාර්ශ්වය මෙම වෙඩි තැබීම සිදුකරන්නට ඇති බවයි පොලිසිය සැකපළ කරන්නේ.
ඝාතනයට ලක්වූ පුද්ගලයාට මීට පෙර කිසිදු ජීවිත තර්ජනයක් එල්ල වී නොතිබූ බවයි පොලිසිය සඳහන් කළේ.
