ශ්රී ලංකා කණ්ඩායම සහ සංචාරක බංග්ලාදේශය අතර තරග තුනකින් සමන්විත විස්සයි විස්ස තරගාවලියේ දෙවන තරගය අද (13) දඹුල්ලේ දී පැවැත්වීමට නියමිතයි.
දෙරට අතර පැවති පළමු තරගය ජයගත් ශ්රී ලංකා කණ්ඩායම ජයග්රාහී මානසිකත්වයකින් අද තරගයට පිවිසෙන අතර, මෙම තරගයට ජයගෙන තරගාවලියට යළි පිවිසීමේ අපේක්ෂාවෙන් බංග්ලාදේශය අද තරගය සඳහා පිවිසෙනවා.
මේ අතර දෙපිළම ඊයේ (12) දිනයේ දී දඹුල්ල ජාත්යන්තර ක්රිකට් ක්රීඩාංගණයේ දී සිය අවසන් පුහුණු සැසි සඳහා එක්ව සිටියා.
අද තරගය සඳහා පළමු තරගය ක්රීඩක කළ ශ්රී ලංකා කණ්ඩායම ම ක්රීඩා කරනු ඇති බවට දඹුල්ලෙන් තොරතුරු වාර්තා වන අතර, පළමු තරගයෙන් පරාජය ලැබූවත් අද තරගයේ දී බංග්ලාදේශය එම කණ්ඩායම කෙරෙහිම විශ්වාසය තබනු ඇති බවයි තොරතුරු වාර්තා වන්නේ.
මේ අතර අද පැවැත්වෙන දෙවන විස්සයි විස්ස තරගයේ ප්රවේශ පත්ර සියල්ලම අලෙවි වී අවසන් බව ශ්රී ලංකා ක්රිකට් ආයතනය පෙරේදා දිනයේ දී නිවේදනය කළා.
