දිළිඳුකම පිටුදැකීමේ ජාත්යන්තර දිනය අදට (17) යෙදී තිබෙනවා.
‘ආයතනික සහ සමාජීය වශයෙන් නොසලකා හැරීම් පිටු දැක ගෞරවය හා ඵලදායී සහය දිළිඳු පවුල් වෙත යොමු කිරීම’ යන්න මෙවර එහි තේමාවයි.
ලෝක බැංකු තක්සේරුවලට අනුව මෙරට දිළිඳු ජනගහනය සමස්ත ජනගහනයෙන් 24%ක් වනවා.
2022 වසරේ පැන නැඟි ආර්ථික අර්බුදයත් සමඟ මෙරට දිළිඳු බව යළිත් ගොස් ඇති බවයි වාර්තා වන්නේ.
මේ අතර එක්සත් ජාතීන්ගේ වාර්තාවලට අනුව ලොව ජනගහනයෙන් මිලියන 700ක් දිළිඳු බවින් පෙළෙන බවයි වාර්තා වන්නේ.
ඉන් වැඩි ප්රමාණයක් අප්රිකානු සහරා උප මහද්වීපයේ ජීවත්වනවා.
මානව හිමිකම් පිළිබඳ විශ්ව ප්රකාශනය අත්සන් කරන ලද පැරිසියේ දී 1987 ඔක්තෝබර් 17 වනදා අන්ත දරිද්රතාවට, ප්රචණ්ඩත්වයට සහ සාගින්නට ගොදුරු වූ ලක්ෂයකට අධික ජනතාවක් රැස් වී දරිද්රතාව මානව හිමිකම් උල්ලංඝනය කිරීමක් බව ප්රකාශ කළා.
ඔවුන් එදින ඒ බව සඳහන් සමරු ඵලකයක් ද විවෘත කර ඇති අතර එහි අනුරූ ලොව පුරා රටවල්වල පවතිනවා.
අනතුරුව 1992 දෙසැම්බර් 22 දින සම්මත කරන ලද 47/196 යෝජනාව මඟින්, එක්සත් ජාතීන්ගේ මහා මණ්ඩලය ඔක්තෝබර් 17 දිළිඳුකම පිටුදැකීමේ ජාත්යන්තර දිනය ලෙස ප්රකාශයට පත් කර තිබෙනවා.
