දරුණු ගණයේ අපරාධකරුවකු වන ‘කරන්දෙණියේ රාජු’ නමැත්තා අපරාධ පරීක්ෂණ දෙපාර්තමේන්තුවේ විශේෂ කණ්ඩායමක් විසින් ඊයේ (17) රාත්රියේ ඉන්දියාවේ සිට මෙරටට රැගෙන එනු ලැබුවා.
මෙරටට රැගෙන ආ කරන්දෙණියේ රාජු වැඩිදුර විමර්ශන කටයුතු සඳහා නාරාහේන්පිට මධ්යම අපරාධ විමර්ශන කාර්යාංශය වෙත රැගෙන යාමටයි පියවර ගෙන තිබුණේ.
ඝාතන ඇතුළු අපරාධ 20 කට අධික සංඛ්යාවකට පොලීසියට අවශ්යව සිටින සෝබනාහන්දි සනත් ද සිල්වා නොහොත් කරන්දෙණියේ රාජු නැමැති අපරාධකරු ඉන්දියාවේ දී එරට ආරක්ෂක අංශ පසුගියදා අත්අඩංගුවට ගෙන තිබුණා.
නවදිල්ලි හිදී එලෙස අත්අඩංගුවට ගෙන තිබූ කරන්දෙණියේ රාජු, මෙරට අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් ගොස් ඉන්දියාවේ නවදිල්ලි නුවර සිට ශ්රී ලන්කන් ගුවන් සේවයේ යූ.එල්.- 196 දරණ ගුවන් යානයෙන් කටුනායක ගුවන් තොටුපොළ වෙත ඊයේ (17) රාත්රී 10.30ට පමණ රැගෙන එනු ලැබුවා.
ඔහු සංවිධානාත්මක අපරාධකරුවෙකු වන ‘කරන්දෙණිය සුද්දා’ නමැත්තාගේ සහෝදරයෙකු වනවා.
