මැතිවරණ ප්රතිඵල නිකුත් වී දින 21ක් ඇතුළත මෙවර මහ මැතිවරණයට තරග කළ අපේක්ෂකයින් තම වියදම් වාර්තා භාරදිය යුතු බව මැතිවරණ කොමසාරිස් ජෙනරාල් සමන් ශ්රී රත්නායක පවසනවා.
ඒ අනුව මෙවර මැතිවරණය සඳහා තරග කළ අපේක්ෂකයින් 8,888 දෙනා වියදම් වාර්තා භාරදීම අනිවාර්ය බවයි කොමසාරිස් ජෙනරාල්වරයා මාධ්ය වෙත අදහස් දක්වමින් පැවසුවේ.
ඊට අමතරව ජාතික ලැයිස්තු මන්ත්රීවන්රු ද සිය වියදම් වාර්තා මැතිවරණ කොමිෂන් සභාව වෙත භාරදිය යුතු බව ද ඔහු වැඩිදුරටත් සඳහන් කර සිටියා.
ඒ, අනුව එළඹෙන දෙසැම්බර් 06 වනදා මධ්යම රාත්රියවන විට එම සියලුම අපේක්ෂකයින් අදාළ මැතිවරණ වියදම් වාර්තා භාරදිය යුතු වනවා.
මෙලෙස මැතිවරණ වියදම් වාර්තා භාර නොදෙන අපේක්ෂකයින් සම්බන්ධයෙන් නීතිමය පියවර ගැනීමට සිදුවන බව කොමසාරිස් ජෙනරාල්වරයා පැවසුවා.
මේ අතර මැතිවරණ සඳහා තරග කර ජයග්රහණය කිරීමට නොහැකි වූ අපේක්ෂකයින්ට ද ජාතික ලැයිස්තුව ඔස්සේ පාර්ලිමේන්තුව පැමිණීමට හැකියාව පවතින බව ද ඔහු මෙහිදී සඳහන් කර සිටියා.
