හැටන් කොළඹ ප්රධාන මාර්ගයේ දියගල ප්රදේශයේ පස් කන්දක කොටසක් කඩා වැටිමෙන් එම මාර්ග කොටසේ රථ
වාහන ධාවනය එක් මං තිරුවකට සීමාකර තිබුණා.
පසුගිය දිට්වා සුලි කුණාටු සමයේ මෙම මාර්ගයේ තැනින් තැන කඩා වැටීමට ලක්වූ පස් කදුවල කොටසක් මෙම ප්රදේශයන්ට පවතින වැසි තත්වයන් සමඟ අද (11) මෙලෙස යළි මාර්ගයට කඩා වැටී ඇති බවයි වාර්තා වන්නේ.
ගිනිගත්හේන පොලිසිය සඳහන් කළේ කඩා වැටීමට ලක්වූ පස් ඉවත් කිරිමට මාර්ග සංවර්ධන අධිකාරියේ සේවක පිරිස් පියවර ගෙන ඇති බවයි.
පවතින වැසි තත්වයන් මත එම මාර්ගයේ තවදුරටත් පස් කදු කඩා වැටිමේ අවදානමක් පැවතිය හැකි බවත් එම
තත්වයන් මත මෙම මාර්ගයේ රථ වාහන ධාවනය කර විමේදි ඉතාමත් කල්පනාකාරිව තම රථ වාහන ධාවනය කරවීමට පියවර ගන්නා ලෙස සියළුම රියදුරන්ගෙන් පොලිසිය ඉල්ලා සිටිනවා.
