කොබෙයිගනේ පොලිස් වසමේ දැදුරුඔය, කුරිටියාගහමුල මංකඩේ දිය නාමින් සිටි පිරිසක් ඊයේ (16) දින සවස දියේ ගිලී අතුරුදන් වී තිබුණා.
මෙහිදී පිරිමි පුද්ගලයින් සිව්දෙනෙක්, කාන්තාවන් තිදෙනෙක් හා පාසල් දරුවන් තිදෙනෙක් දියේ ගිලී ඇති අතර ඉන් එක් පුද්ගලයෙක් හා කාන්තාවක් බේරාගෙන නිකවැරටිය රෝහලට ඇතුලත් කර තිබෙනවා.
කෙසේ වෙතත් ඊයේ (16) දිනයේදීම එක් කාන්තාවකගේ සහ එක් පිරිමි පුද්ගලයෙකුගේ මෘත ශරීර සොයාගෙන තිබූ අතර තවත් පාසල් ළමුන් තිදෙනෙක් ඇතුළු තවත් 06 දෙනෙක් අතුරුදන්ව සිටියා.
මේ සම්බන්ධයෙන් අප අද (17) උදෑසන කොබෙයිගනේ පොලිසියෙන් සිදු කළ විමසීමදී ඔවුන් සඳහන් කළේ මේ වන විට අතුරුදන්ව සිටි 06 දෙනාගෙන් තවත් සිවුදෙනෙකුගේ සිරුරු හමු වූ බවත් තවත් දෙදෙනෙක් අතුරුදන්ව සිටින බවයි.
කඩවත ප්රදේශයේ සිට පැමිණි ඥාති පිරිසක් සමඟ කුරිටියාගහමුල මංකඩේ දිය නාමින් සිටියදී මොවුන් මෙලෙස අනතුරට ලක්ව ඇති බවට විමර්ශනයේදී අනාවරණය වී තිබෙනවා.
අතුරුදන්වූවන් සොයා කොබෙයිගනේ පොලිසිය විසින් ප්රදේශවාසීන්ගේ හා නාවික හමුදා කිමිදුම් නිලධාරින්ගේ සහය ඇතිව සෝදිසි මෙහෙයුම් තව දුරටත් සිදු කරනු ලබනවා.
