ආරවුලකින් පසු දරුවන් දෙදෙනාට වස දී, ගෙල වැළලාගෙන සියදිවි හානිකරගත් කාන්තාවක් පිළිබද පුවතක් ඉන්දීය මාධ්ය අද (07) වාර්තා කළා.
අදාළ කාන්තාව අද (07) උදෑසන මෙලෙස සියදිවි හානිකරගෙන ඇති බවයි වැඩිදුරටත් තොරතුරු වාර්තා වුණේ.
මව විසින් ලබාදුන් වස පානය කිරීම හේතුවෙන් 06 හැවිරිදි පිරිමි දරුවා ජීවිතක්ෂයට පත්ව ඇති අතර, 10 හැවිරිදි දියණිය බරපතළ තත්ත්වයෙන් රෝහල් ගතව මේ වනවිට ප්රතිකාර ලබනවා.
උත්තර් ප්රදේශ් ප්රාන්තයේ ෆතේපූර් ප්රදේශයේ කාන්තාවක් අද උදෑසන සිය නැන්දම්මා සමඟ ඇති කරගත් ආරවුලකින් පසු මෙම දරුණු තීරණය ගෙන ඇති බවයි වාර්තා වන්නේ.
මෙම කාන්තාව අද උදෑසන දරුවන් දෙදෙනාට බැණ වදින අවස්ථාවේ ඊට නැන්දම්මා මැදිහත්වීමත් සමඟ දෙදෙනා අතර මෙම ආරවුල හටගෙන ඇති බවයි විමර්ශන සිදුකරන පොලිසිය පැවසුවේ.
මියගිය කාන්තාවගේ සහ ඇයගේ පුත්රයාගේ සිරුරු පශ්චාත් මරණ පරීක්ෂණය සඳහා යොමුකර ඇති අතර, වැඩිදුර පරීක්ෂණ ක්රියාත්මක බවයි ඉන්දීය මාධ්ය වැඩිදුරටත් තොරතුරු වාර්තා කළේ.
