තුර්කිය සහ වයඹදිග සිරියාවට බලපෑ ප්‍රබල භූ කම්පනයෙන් තුර්කියේ පුද්ගලයින් 2,921 දෙනෙකු මිය ගිය බව තුර්කි බලධාරීන් මේ වනවිට තහවුරු කර තිබෙනවා.
එමෙන්ම මෙම භූ කම්පනයෙන් සිරියාව තුළ 1,444 දෙනෙකු මියගොස් ඇති බවයි විදෙස් වාර්තාවල දැක්වෙන්නේ.
ඒ, අනුව මෙම ප්‍රබල භූ කම්පනයෙන් මියගිය සංඛ්‍යාව 4365ක් දක්වා ඉහළ ගොස් තිබෙනවා.
තවදුරටත් සුන්බුන් අතර සිරවූ පිරිස් ගලවා ගැනීමේ මෙහෙයුම් ක්‍රියාත්මක අතර, මියගිය සංඛ්‍යාව තවත් ඉහළ යා හැකි බවයි මුදවා ගැනීමේ කණ්ඩායමේ සඳහන් කරන්නේ.
ඊයේ (06) අලුයම රික්ටර් මාපකයේ 7.8 ක ප්‍රබලත්වයෙන් යුත් පළමු භූ කම්පනය ඇති වූ අතර,ඉන් පැය කිහිපයකට පසු පසු කම්පන කිහිපයක් මධ්‍යයේ රික්ටර් පරිමාණයේ 7.5 ක තවත් ප්‍රබල භූ කම්පනයක් ඇති වුණා.
වසර 100 කට වැඩි කාලයකට පසු කලාපයට බලපෑ ප්‍රබලතම භූමිකම්පාව මෙය බවයි වාර්තා වන්නේ.
මේ අතර ගලවා ගැනීමේ මෙහෙයුම් සඳහා ජාත්‍යන්තර ගලවා ගැනීමේ කණ්ඩයම් තුර්කියට සහ සිරියාවට පැමිණමින් සිටුන බවත් විදෙස් වාර්තා සඳහන් කරනවා.
