ත්‍රිරෝද රථයක ගමන් කළ කුඩා දරුවෙන් ඉන් එළියට විසි වී බස් රථයකට යට වී ජීවිතක්ෂයට පත්වූ පුවතක් පානදුර ප්‍රදේශයෙන් වාර්තා වනවා.
මෙලෙස ජීවිතක්ෂයට පත්ව ඇත්තේ වයස අවුරුදු තුනක පිරිමි දරුවෙක්.
මෙම දරුවා අද (30) දහවල් සිය පුංචි අම්මාගේ දියණියගේ කණට කරාඹු දැමීම සඳහා මාලමුල්ල ප්‍රදේශයේ පිහිටි විහාරස්ථානයක් වෙත ත්‍රිරෝද රථයකින් ගොස් තිබෙනවා.
මෙම පිරිමි දරුවා සමඟ ගැහැණු දරුවෙකු සහ තවත් වයස අවුරුදු 10 දරුවෙකු ද ත්‍රිරෝද රථයේ ගමන්කර ඇති බවයි තොරතුරු වාර්තා වුණේ.
පානදුර – රුක්ගහ ප්‍රදේශයේ දී බස්රථයක් මගීන්ට බැසීමට නවත්වා ඇති අතර, එම අවස්ථාවේ දී බසයට පිටුපසින් පැමිණි ලොරි රථයක් බසයට ඉස්සර කිරීමට උත්සාහ දරා තිබෙනවා.
එම අවස්ථාවේ දී බස්රථයට ප්‍රතිවිරුද්ධ දෙසින් පැමිණි ත්‍රිරෝද රථයේ රියදුරු තිරිංග තද කර ඇති අතර, එම අවස්ථාවේ දී ත්‍රිරෝද රථයේ සිටි දරුවා ත්‍රිරෝද රථයෙන් පිටතට විසි වී ඇති බව සඳහන්.
එලෙස ත්‍රිරෝද රථයෙන් පිටතට විසි වී දරුවා ඉදිරියට පැමිණි බස් රථයට යට වී අනතුරට ලක්ව ඇති බවයි වාර්තා වුණේ.
අනතුරෙන් ජීවිතක්ෂයට පත්ව ඇත්තේ නෙතූස තත්සර නැමැති පානදුර අරුක්ගොඩ, ෆොන්සේකා මාවත ප්‍රදේශයේ පදිංචි දරුවෙක්.
Extremely sad incident. Deepest sympathies to the little son’s loved ones!