දිවයිනේ විවිධ ප්රදේශ වලින් ලබා ගත් ජෛව සාමිපල 96 ක් උපයෝගි කරගනිමින් කොවිඩ් නව ප්රභේදය පිළිබඳ පරික්ෂණ ක්රියාත්මක බව ශ්රී ජයවර්ධනපුර විශ්වවිද්යාලයේ ආසාත්මිකතා ප්රතිශක්ති විද්යා හා සෛල ජෛව විද්යා ආයතනයේ අධ්යක්ෂ ආචාර්ය චන්දිම ජීවන්දර පවසනවා.
හිරු ප්රවෘත්ති අංශය කළ විමසිමකදි ඔහු කියා සිටියේ ඉදිරි සති දෙක තුන තුළ අදාළ වාර්තාව සෞඛය අමාත්යංශයට ලබා දෙන බවයි.
එමෙන්ම චීනයේ නිෂ්පාදිත කොවිලෝ හෙවත් සයිනෝෆාම් එන්නතේ ප්රතිශක්තිකරණය පිලිබඳ පරික්ෂණ වාර්තාව ද දින 10 ක් තුළ රජයට භාර දිමට සුදානම් බව අචාර්ය චන්දිම ජීවන්දර ප්රකාශ කළා.
එසේම, රෝහල්වල සායන සඳහා සහභාගි වන රෝගීන්ගේ ඖෂධ නිවසට ගෙන්වා ගැනීමේ වැඩපිළිවෙල සම්බන්ධයෙන් තොරතුරු ලබා ගැනීම සඳහා දුරකථන අංක දෙකක් හඳුන්වාදී තිබෙනවා.
සෞඛ්ය අමාත්යාංශය සඳහන් කළේ 0720 720720 සහ 0720 606060 යන දුරකථන අමතා තැපැල් මගින් සිය ඖෂධ නිවසට ගෙන්වා ගත හැකි බවයි.
එසේම, රජයේ රෝහල් වල සායන වල ලියාපදිංචි රෝගීන් මෙම වැඩපිළිවෙල සඳහා තම ස්ථිර ලිපිනය ලබාදිය යුතුයි. එමෙන්ම, සායන සඳහා ලියාපදිංචි වී ඇති ලිපිනය ස්ථිර ලිපිනය නොවේ නම් ඒ පිළිබඳව රෝහල දැනුවත් කර තොරතුරු යාවත්කාලීන කරන ලෙසයි සෞඛ්ය අමාත්යාංශය ඉල්ලා සිටින්නේ.
එමෙන්ම සෞඛ්ය සේවකයින් පිරිසක් සත්යග්රහයක නියැලෙන කොළඹ ජාතික රෝහල ඉදිරිපිට ස්ථානයට පැමිණි පොලිස් නිලධාරීන් ඊයේ රාත්රියේදී එහි අට්ටාලය ගලවා ඉවත් කර තිබෙනවා.
ඇදහැලුණු අධික වර්ෂාව මධ්යයේ වූවද සත්යග්රහයේ නියැලෙන සෞඛ්ය සේවකයින් අධිකරණ නියෝගයක් මත එම ස්ථානයෙන් ඉවත් කිරීමට පොලීසිය උත්සාහ දැරීමත් සමඟ උණුසුම් තත්ත්වයක් ඇතිවුණා. මේ අතර, කොරෝනා ආසාදිතයින් 1884 දෙනෙකු අද සුවය ලබා රෝහල් වලින් පිටව ගියා. සුවය ලැබූ මුළු සංඛ්යාව මේ වනවිට දැක්වෙන්නේ 164,281ක් ලෙසයි.
