සංචාරක එංගලන්ත කණ්ඩායම සහ ඉන්දීය කණ්ඩායම අතර පැවැත්වෙන පළමු ටෙස්ට් තරඟය චෙන්නායි හිදී මේ වනවිටත් ක්රියාත්මකයි
තරඟය අතර තුර සිදුවූ සිදුවීමක් සම්බන්ධයෙන් මේ වනවිට ඉන්දීය මාධ්යවල දැඩි අවධානයට යොමුව තිබෙනවා.
ඉන්දිය කණ්ඩායමේ දඟ පන්දු යවන ක්රීඩක කුල්දීප් යාදෙව් සහ වේග පන්දු යවන ක්රීඩක මොහොමඩ් සිරාජ් අතර මෙම සිදුවීම සිදුව ඇති අතර මේ සම්බන්ධයෙන් වන වීඩියෝවක් වනවිට සමාජ මාධ්ය හරහා හුවමාරු වෙමින් තිබෙනවා.
ක්රීඩා විවේකාගාරයේ දී මොහොමඩ් සිරාජ් විසින් කුල්දීප්ගේ බෙල්ලෙන් අල්ලා අදින ආකාරයකුයි එහි දැක්වෙන්නේ.
මෙම සිදුවීම සිදුවන අවස්ථාවේ ඒ, අසල ඉන්දීය ක්රිකට් කණ්ඩායමේ ප්රධාන පුහුණුකරු රවි ශාස්ත්රී රැඳී සිටීමත් විශේෂත්වයක්.
ඇතැම් ඉන්දීය මාධ්ය මෙම සිදුවීම කුල්දීප් සහ සිරාජ් අතර ඇතිවූ ගැටුමක් ලෙසයි වාර්තා කරන්නේ.
කෙසේ වෙතත් මෙම සිදුවීමට පාදක වූ හේතුව තවමත් නිශ්චිතව අනාවරණය වී නොමැති අතර මෙම ක්රීඩකයින් දෙදෙනාගේ සිදුවීම සමාජ මාධ්යවල මේ වනවිටත් හුවමාරු වෙමින් පවතිනවා.
එම සිදුවීම පහතින්..
